Nehemia 1:6 - mzwDBL

⁶ Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.

Nehemia 1:6 Iomraidhean Croise

1 Koranar 8:30

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

1 Koranar 8:47

hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’

2 Webena 28:10

Taraken he dɛ́ nyin he ɛ baala ne haahna baa lɔ Juda ne Jerusalam bwa he yoma. He ɛ ɡɛ naa, haa jemɛ kɛŋɔ he di bolchɔɡe dɛ ɛ wechɔɡa jo Korowii haa dɛ tomɔ la nɛ aa?

2 Webena 29:6

Ya naawa waa ta kasinteŋ dɔe tɛ Korowii yaa dɛ tomɔ. Ba ɛ wechɔɡa dɛ jo o nɛɛ dɛ vɛoh, dɛ berɛ habɔɔ kpoo bela waa lole.

2 Webena 6:40

Name, Korowii maa dɛ tomɛ, ir nyu ne, dɛ́ no ya wesoŋa yaa kpɔa dɛɛ bil he sie Dea nɔ bini.

Ɛsra 10:1

Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.

Ɛsra 10:11

Taraken, hé bol he wechɔɡa baɡle Korowii he naawa aa tomɔ, dɛ́ɛ ɛ o bambile bini wa. Hé laa he te kpɔ harɛfala aa bar heyaa cheme nɔ nɛra, ne haahna baa wola he harɛ ta tena ɛɛ he mo ba la nɛ.”

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 106:6

Ya ɛ wechɔɡa kɛ ya naawa ken, ya ɛ nyubinikpeɡ dɛ koni.

Yela 130:2

No n wii maa wia dɛɛ yerɛ. Cheɡ deŋne no n be, dɛ́ ba cha mɛ.

Yela 32:5

Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Yela 55:17

Jwaana, chɔɔ ne webaŋa, n suna wii ne n pɛma dɛ tel he be, asɛ hɛɛ no n taa.

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Wiile 5:7

Ya naawa fa ɛ wechɔɡa dɛ bwa serewe kaa, kɛ taraken yanee bera dɔ a deŋnetɛra.

Daneɛl 9:15

N Naa Korowii yaa dɛ tomɛ, henee cheɡɛ he kpeɡri ta lɛ he nɛra le Ijipt harɛ ta, dɛ lɛ sɔn tɛ he te a ta chɔ le ba le fini, kɛ ya ɡarɔ ɛ wechɔɡa kohona.

Daneɛl 9:20

N ta teŋɔ dɛɛ soŋe, dɛɛ bol n ne n nɛra Israel tena wechɔɡa wa, dɛ kpɔ bil Korowii maa dɛ tomɔ sie ŋɔ, ó berɛ kwaa o Dea waa do ɡoroŋ la cheɡ.

Daneɛl 9:4

N soŋe Korowii maa dɛ tomɔ, dɛ bol n nɛra wechɔɡa ŋɔ, “N Naa Korowii, he kan dɛ do ɔma kohona. He dɛ teŋɛ he fɔo ta, dɛɛ baɡle he nyina aa wola jaɡa dɔe nɛra baa dɛ nyini nɛ. Ba dɛ teŋɛ waa haa dɛ do ba ta la ta.

Daneɛl 9:5

Ya ɛ wechɔɡa dɛ koni, dɛ ɛ nyubinikpeɡ, dɛ le he habɔɔ. Ya bɛɡɔ le waa haa do yaa a ta ne he Mmarare ta.

Daneɛl 9:8

N Naa Korowii, ya ne ya koranar ne nomonome ne ya naawa di sihiih kohona, dɛkalkɛ ya ɛ wechɔɡa dɛ jo he nɛ.

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Amanesoma Luk Aa Chwera Tɔn 2:37

O ta yalɛ kpa, dɛ ba di bene fifraanuatoro dɛ anaarɛ. O ta o Korowii toma kpɔe bil harɛ. Chɔɔ ne jwaana dɛ o lɔ Korowii Dea, dɛ yon dɛɛ vɔwɛ nyoa dɛɛ soŋe Korowii.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

1 Timoti 5:5

Luhaah waa nyaa o ta nɛn dɔe ó nyiŋi o nɛɛ la te, Korowii nɛɛ o sie dawɛ wɛɛ soŋo chɔɔ ne jwaana bwa ó chao.

2 Timoti 1:3

N dɛ jam Korowii maa dɛ tomɔ tepoŋ ne ɡɛ tenten n naawa fa aa dɛ tomɔ la he wa. N Korowii soŋa ta bwaa mɛɛ jaamo he waa chɔɔ ne jwaana.

1 Jɔn 1:9

Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.