Nehemia 1:5 - mzwDBL

⁵ “N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Nehemia 1:5 Iomraidhean Croise

1 Koranar 8:23

dɛ ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

1 Webena 17:21

Harɛ bɛlbwa nɛra toole dɛ do kɛŋɔ he nɛra Israel tena. Harɛ beŋkpoŋ nɛra hen Korowii aa lɛɛ ba le wenaale ta Ijipt harɛ, dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra le ba sie.

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Nehemia 2:4

Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

Nehemia 4:14

N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

Nehemia 4:8

Asɛ ba bwa pɛ, dɛ vɔrɔwe kɛŋɔ, bá ba yo Jerusalam, dɛ́ kpɔ sibeɡra ba ta nɛra baa lɔ bela nɛ.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Yela 47:2

Nemenɛ Korowiirii ɔma kohona, onee koojen waa dɛ nyiŋi harɛ nɔ bwa ta.

Yela 76:8

Nyundua he che bol nɛra waa dɛɛ pa bole, asɛ harɛ nɔ ta nɛra ɔmɛ dɛ hel jeih ken,

Yela 89:2

Mɛɛ boloo ŋɔ he nyina aa wola jaɡa dɔe bwa, cheɡɔ kiŋkiŋ saŋ bɛlbwa dɛɛ la. He waa dɔ kasinteŋ saŋ bɛlbwa, ɡɛ nyundua aa lole saŋ bɛlbwa la.

Yela 89:3

He ŋɔ, “N ne nɛn maa leo tɛ n te la fɔwɛ fɔo. N baɡɛ n bonɔɔ Kooro Devid nyoa ŋɔ,

Yela 89:8

Korowii Waa Ɛ Koranar Bwa Kooro, umee dɔ kpeɡri kɛ hen ɔ? N Naa Korowii, he waa dɔ kasinteŋ wobɛlbwa ta.

Kaala 20:6

Dɛɛ nyin banɔ la baa dɛ nyin mɛ dɛɛ teŋɛ me Mmara ta, hale dɛ́ kpoŋe ka tel ba naanar bele kaɡboŋ nɛ.

Mmarare 7:12

Dɛ he no ɡɛ waa nɔ dɛ teŋɛ a ta kasinteŋ ne naa, Korowii haa dɛ tomɔ ɛɛ teŋɔɔ dɛ́ kpoŋe o fɔo la bini, dɛ́ɛ nyin he waa ɡɛ waa ŋwɛɛra baɡle he naawa la.

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.

Mmarare 7:9

Anomanta, hé jemɛ kɛŋɔ Korowii haa dɛ tomɔ nɔ, Dɔɔ bɛlbwa toole o habɔɔ. O waa dɔ kasinteŋ dɛɛ teŋɛ o fɔo waa fɔwa, dɛ kpɔ o nyina aa wola jaɡa dɔe baɡle banɔ la baa dɛ nyin o wa, dɛɛ teŋɛ o Mmarare ta la naanar bele kaɡboŋ baa ba lol ba la.