Nehemia 1:3 - mzwDBL

³ Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Nehemia 1:3 Iomraidhean Croise

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

2 Koranar 25:10

asɛ Babelɔn laa tena Nebusaradan aa chɔ ba nyoa la kuuɡi danjwɛɛ waa bar Jerusalam la.

2 Webena 36:19

O ɡelɔ ba fuh Korowii Dea la, dɛ kuuɡi danjwɛɛ waa bar Jerusalam la, dɛ fuh kooderemi bwa ne komɛlbwa a yoɡ aa kpeɡa bwa.

Ɛsra 2:1

Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ,

Ɛsra 5:8

N naa kooro, ya dɛ nyin he jemɛ kɛŋɔ ya la Juu tena harɛ ta, bela Korowii waa kana la Dea aa lole ba berɛ kwaa dɛɛ mao la. Bwejena nee baa mao, dɛ kpɔ dadɛɛɡa dawɛ o danjwɛɛre ta. Ba toma ɛɛ wer, dɛɛ kaa wɔrɔbe nɛ, ɡɛ baa chaɡ ba la.

Nehemia 11:3

Nɛra la bini bane baa soɡe bwɛɛre ne bwɛjena ta laanee, Israel tena la bini bane, ne sɔfore ne Lewi dea tena, ne bonɔɔna baa dɛ ɛ toma Korowii Dea. Dɛ Kooro Solomɔn bonɔɔna naanar soɡe Juda bwɛɛre ane ta. Bɛlbwa kaa so o ɡbaɡba bwɛɛ waa le o ta,

Nehemia 2:13

Asɛ n kpɔ Fɛlembɔjen Doonyoa ta awola jwaana, dɛ kpɔ bobɛl baa dɛ yerɔ Kalampoŋa Kɔlɔŋ ne Puldoa Doonyoa dɛɛ nyiŋi Jerusalam danjwɛjena baa kuuɡa, ne ɡɛ baa fuh o doonyoone bwa la.

Nehemia 2:17

Ate, n ŋɔ ba be ŋɔ, “Hé na waa yaa lɔ a ta! Jerusalam berɛ dimɡbia, ba fuh o doonyojen ɡbeni. Hé ɡel ya kwaa ma danjwɛɛ o fa aa baro la, ásɛ sihiih bɛ yaa kpo kpa.”

Nehemia 2:3

Anee n chaŋe ŋɔ, “N naa kooro, Kórowii tɛɛ mkpajaŋ! Bɔkwaa dɛ́ ɡel n waa aa wola sumii doɔ? Bwɛjen baa huɡe n naawa o bini paɡrɔ dɛ berɛ dimɡbia, o doonyojen ɡbeni ɡe bwa fuh.”

Nehemia 7:6

Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ.

Ɛsta 1:1

Waa aa chiɡ Koojen Sɛksɛs bere saŋ, ɡɛ saŋ waa di kora Pɛɛsea harɛ ta laanee nɔ. Dɛ o dɛ nyiŋi harɛre lafa fifraanɛ dɛ anuanɛ ta, le India harɛ dɛ́ kpoŋe ba kaa Itiopia harɛ ta.

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Sɛɡla 25:28

Nɛn waa wola won bambile lawɛ la, o do kɛŋɔ bwɛjen baa ma danjwɛɛ baro o kuuɡi la ken.

Aesaya 43:28

Anomanta, mɛɛ le he sɔforee le ba toma ta Korowii Dea sihiih kpo ba. Mɛɛ kpɔ Israel tenaa do ba dɔma nɔn ta bá chɔɡ ba, ba tama baa ka ɡe, bá ɛɛ ba nɛnhɛla.”

Aesaya 5:5

Mɛɛ ɡeloo he jemɛ ɡɛ maa dɛ ba daa la ɛɛ. Mɛɛ laa kwaa baa kpɔa keo laanee pa, ásɛ kwaa dia dɛ́ chɔɡa. Mɛɛ kuuɡi danjwɛɛ waa baro la ɡee, ásɛ kwaa tiɡra do harɛ.

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.

Jeremia 52:14

Babelɔn laa tena Nebusaradan aa chɔ ba nyoa la kuuɡi danjwɛɛ waa bar Jerusalam la bwa.

Wiile 1:7

Jerusalam tena lii ɡɛ saŋ baa lɔ wenaale ta dɛɛ ɡaaɡe, ne kondɛɛɡa a yoɡ aa kpeɡa ba faa dɔa la. Ba dɔma aa baa yoo ba dɛ pɔ ba nɛɛ la, nomɛlbwa toole dɛ́ won ba lɛɛ ba. Ba dɔma nyiŋi ba chɔɡa la dɛɛ mam ba.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Wiile 3:61

N Naa Korowii, he no chɛɡa baa dɛ chɛɡ mɛ, dɛ jemɛ n vɔrɔwa baa dɛ vɔrɔwe bwa ɡe.

Wiile 5:1

N Naa Korowii, lii ya wa dɛ́ na waa aa pu yaa. Nyiŋi dɛ́ na ɡɛ sihiih aa kpo yaa.

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.