Nehemia 1:11 - mzwDBL

¹¹ Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Nehemia 1:11 Iomraidhean Croise

Mumpar 24:42

Maa tel bule la ta fini la, n ŋɔ, ‘Korowii n dɔɔ Abraham aa dɛ tomɛ, dɛ hɛɛ sɛoh waa, tɛ mɛ hɛɛra waa maa dɛ ba ba ɛ nɔ ta.

Mumpar 32:11

N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Mumpar 40:1

A ɡɛ waa nɔ habɔɔ la, nɛn waa dɛ do Ijipt kooro sen, ne paanowɔɔra nomoa bwa ɛ kooro wechɔɡa.

Mumpar 40:2

Kooro la baah di a ɡɛ nomonome banɛ nɔ nɛɛ kɛrɛdɛ,

Mumpar 40:21

O berɛ sendoola nomoa la toma tɛo

Mumpar 40:23

Kɛ sendoola nomoa la aa bera kaa o toma ta kooro dem la, o soh wobɛlbwa. O ta wone lii Josef waa tamaa bɛlbwa.

Mumpar 41:9

Belaa sendoola nomoa la ŋɔ kooro be ŋɔ, “N dɛ nyin ń bol fini kɛŋɔ n ɛ wechɔɡa.

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

2 Webena 6:40

Name, Korowii maa dɛ tomɛ, ir nyu ne, dɛ́ no ya wesoŋa yaa kpɔa dɛɛ bil he sie Dea nɔ bini.

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Nehemia 1:6

Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.

Nehemia 2:1

Koojen Atasɛksɛs aa di kora bene fifraanɛ, korobie Nisan ta la, ba ba sen ne ba tɛo. Asɛ n lɛ dɛ kpɔ ka tɛo. Dɛ o ta men nae n waa do sum o be bwa.

Nehemia 2:8

N berɔ soŋo ŋɔ ó chwerɛ tɔn tɛ mɛ ń kpɔ ka tɛ Asaf waa dɛ nyiŋi koojen kɔne ta la, ásɛ o tɛ mɛ doli maa kpɔ ɛ dekpeɡ la doonyoo aa bɛne Korowii Dea, ne danjwɛkpeɡ waa bar bwɛjen la, dɛ dem maa ka so o ta. Korowii ja n nɛɛ nomanta, koojen la tɛ mɛ komɛlbwa maa soŋo.

Yela 106:46

He ɡelɔ nɛra baa dɛ fiɡ ba la bwa berɛ na ba sum.

Yela 130:2

No n wii maa wia dɛɛ yerɛ. Cheɡ deŋne no n be, dɛ́ ba cha mɛ.

Yela 61:5

N Naa Korowii, he no nyoa maa baɡɛ la, dɛ tɛ mɛ kwaa haa kpɔa dɛɛ tɛ nɛra baa dɛ tomɛ.

Yela 86:6

N Naa Korowii, no n wesoŋa, no n suna wii, dɛ́ cha mɛ.

Sɛɡla 1:29

Hé kii wejema, haa nyin kɛ he ɔmɛ Korowii.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Jeremia 42:12

Mɛɛ dɔ tedomaa tɛ heya, ásɛ dɛ ɡel Babelɔn kooro ɡe dɔ tedoma he nɛ, dɛ́ berɛ ba he ne he harɛ ta ja. Men Korowiirii bola.’

Malakae 3:16

Kɛ banɔ la baa dɛ ɔmɛ Korowii bol waa dɔŋa be, asɛ Korowii do deŋne ba be, dɛ no waa bwa baa bola. Nɛra baa dɛ ɔmɔ dɛɛ tɛ o sɔn jirima la, ba chwerɛ ba sɔna do tɔn bini bil o sie, dɛ kpɔ dɛɛ lii ba wa.

Hibru 13:18

Hé soŋe Korowii dɛɛ tɛ yaa. Ya jemɔ kɛŋɔ ya tea bini too, dɛkalkɛŋɔ ya dɛ nyin kɛ yaa ɛ waa aa toɡra saŋ bɛlbwa.