Neehum 2:3 - mzwDBL

³ Kwaa Niniwe dɔma aa kpɔa dɛɛ tɔ ba te ɡbemɡbe laa ta la swɛɛrɔ, laala baa doa ɡe swɛɛ. Torɔɡore baa vɔwa pɛl jaɡre nɛɛ dɛɛ la laa bune dɛ nyɛɡle, awola baa kpɔ ba te dɛɛ kaa laa la. Ba ir ba lampeare nyundua dɛɛ aah ba.

Neehum 2:3 Iomraidhean Croise

Job Tɔn 39:23

Dɔmkwaa nɛn waa soɡe o ta aa kpoŋa la dɛ si, dɛɛ nyɛɡle pelɔpelɔ ken.

Yela 80:13

Nɛŋhɔɔhra do kɛŋɔ chweri dɛɛ tiɡri harɛ la ta, kpɔɡ bini ola ɡee chɔɡo.

Aesaya 14:8

Lɛbanɔn harɛ peleme daa, ne anɔ la aa jaa kwaraa sie lɛ wechɔɡ-ɛɛ la kora la ɡui wa, dɛɛ ŋɔ, ‘Taraken baa ba he ne harɛ nɔ, nomɛlbwa toole dɛ́ teŋe yaa kpa.’

Ɛsekeɛl 23:24

Baa kpɔ dɔmkwaa le weekaŋle nyunduabɔree, dɛ́ so torɔɡore baa vɔwa pɛl jaɡre, ne anɔ la aa dɔ tɔre baa taɡa kɛ torɔɡo warɛ kohona dɛ́ ba yo. Baa le bobɛlbwaa dɛ́ ba bare, dɛ́ kpɔ kwaa tɔ ba te ɡbemɡbe dɛ́ pi laa ɡbɛrɛre. Mɛɛ kpɔe do ba nɔn ta ásɛ ba tɛr he deŋne.

Ɛsekeɛl 26:7

Nemenɛ Korowii ŋɔ, “Mɛɛ ɡeloo Babelɔn Kooro Nebukadnesa waa ɛ koranar bwa koojen bá yo Taaya tena. O ne o laa tena ɛɛ warɔɔ le weekaŋle nyunduabɔr, bane valɛ, bane so jaɡre ne kwaa aa do kɛ torɔɡore baa vɔwa pɛl jaɡre ta, dɛ́ ba yoo ba.

Neehum 3:2

Hɛɛ no chweremi baa dɛ cha jaɡre, ne a torɔɡore baa vɔrɔwa pɛla nakpale sii, ne chwae jaɡre aa dɛ chwa kohona, dɛ kwaa baa vɔwa pɛl jaɡre la jaeh aa dɛ jah sii.

Sekaria 1:8

“Awola jwaana la, men Sekaria na baa bɛl wepila ta o so jaaɡɔswɛm ta. Dɛ o cheɡɛ daa ane baa dɛ yera mɛtel baah ta fɛlembɔjen bɛl bini, asɛ nɛra bane ɡe so jaaɡɔswɛɛma, ne jaaɡɔkɔla dɛ jaaɡɔpoŋa ta o habɔɔ.

Sekaria 11:2

Dadɛɛɡa, hé wi, dɛkalkɛ peleme cholo, dajena kwaraa bwa chɔɡɔ. Basan harɛ dajena, hé wi, ba teŋni kɔr la daa aa farɛ o bini bwa.

Sekaria 6:2

Ba kpɔ sitɔ torɔɡo la vɔwɛ jaaɡɔswɛɛma aa tɛɡro, dɛ kpɔ nɛɛte vɔwɛ jaaɡɔbiŋere aa tɛɡro,

Wepila 12:3

Nyokpowaa ane ɡe aa dɛ baɡle waane berɔ ɛ nyundua bela ja. Kontuuɡi damanta bɛl waa le lɛŋɔ leɔ. O swɛɛrɔ dɛ dɔ nyuune anuanɛ dɛ nyeɡlare fi. Asɛ kooɡbɛrɛ pi o nyuune la bɛlbwa ta.

Wepila 6:4

Belaa jaaɡɔ bɛl ɡe le, o bwa swɛɛrɔ peihpeihpeih ken. Dɛ ba tɛ naate waa soɡe o ta la kpeɡri ŋɔ ó chɔɡ beŋkpoŋri ɛɛ harɛ bwa ta, ásɛ nɛra kpoo dɔŋa. Tokobijen bɛlee ba tɛo o kpɔ kaa.