Neehum 1:2 - mzwDBL

² Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Neehum 1:2 Iomraidhean Croise

Job Tɔn 20:23

Korowii ɛɛ kpɔ o bandia kohonaa ba ba nɛ, dɛ́ tɛr ba deŋne, saŋ ba ta aa lɔ kwaa la ta dɛɛ di la.

Yela 94:1

N Naa Korowii, henee dɛɛ tɛr nɛra deŋne, ɡel ba na he bandia.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Kaala 34:14

He bɛ voɡ bɛlbwa tomɛ ka ja men Korowii nɛ, maa nomɛlbwa nyin dɛ ja n nɛ.

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

Aesaya 42:13

Korowii ɛɛ leo kɛŋɔ banyoo o siwi aa swɛɛra, o kpɔ takpeɡ kɔɡre dɛɛ yerɛ laa tena, dɛɛ yo o dɔma kpeɡri nɛ.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Aesaya 51:20

He bii ɡwɛɡrɔ chɔ fɔɡbaahna, ba do kɛŋɔ kweɡla aa lɔ bel ta ken. Korowii baah di ba nɛ, aa noo ba kohona.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Jeremia 25:15

Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ.

Jeremia 28:8

Keamere baa tɔ n ne he sie saŋ la bolɔ ŋɔ, harɛre nɛra ne koojena ɛɛ serewe laa taa, ásɛ lɔr ne weechɔɡa ɡe kpoo bane.

Jeremia 3:5

he baah ɛɛ teŋɔ di ya nɛɛ ɡɛ naa?’ Gɛɛ he yon dɛɛ bol, kɛ dɛ ɡarɛ kaa ɛ wechɔɡa bɛlbwa haa dɛ nyin.”

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 50:15

Hé pa mun ka yo bwɛjen Babelɔn tena dɛɛ do laa lɔŋɔre, Babelɔn tena sɛoh dɛ ba ba te ne harɛ, ba dekpeɡa ne danjwɛɛre bwa kuuɡo. A ɛ kembɔr men Korowii aa kpɔa dɛɛ tɛr ba deŋne, bɛlbwa ɡe tɛr ba deŋne bɔ kem. Hé ɛɛ ba ɡɛ tenten baa ɛ ba bala la.

Wiile 4:11

Korowii baah diu kohona, asɛ o choŋi nii dɛ fuh Saayɔn bwa dɛɛboo ken.

Ɛsekeɛl 36:6

Anomanta, bol waa aa dɛ ba Israel harɛ ta bala, dɛ́ ŋɔ bwejena ne deŋɡarere ne nenabɔɔne dɛ fɛlembɔjena be ŋɔ Nemenɛ Korowii bol waa meera ne bandia kohona ne, dɛkalkɛ he na hɔhɔrɔwa asɛ harɛre nɛra mamɛ heya.

Ɛsekeɛl 38:18

Waa aa dɛ ba chiɡa awola tɔpere laanee nɔ. Nomonjen Gɔɡ kaa yo Israel tena ba harɛ ta naa, n baah ɛɛ diu kohona. Men Nemenɛ Korowiirii bola.

Ɛsekeɛl 38:19

N siwi aa beɡre n baah di kohona awola tɔpere la, mɛɛ ɡeloo harɛ jiɡri kohona Israel harɛ ta.

Ɛsekeɛl 39:25

Anomanta, Nemenɛ Korowii ŋɔ, “Mɛɛ berɔɔ lawɛ Jekɔb naanar baa ɛ Israel tena laanee le bojaŋ harɛfale la ta, dɛ́ sune ba nɛ, ásɛ n sɔn waa do ɡoroŋ la bɛ chɔɡ.

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Ɛsekeɛl 6:12

Banɔ la baa lɔ bojaŋa la, weechɔɡaa dɛ́ kpoo ba, ásɛ banɔ la baa bɛna la serewe laa ta. Banɔ la baa kaa la, lɔr ɛɛ kpo ba ɡee ba serewe. Gɛɛ mɛɛ ba ɡela ba na n bandia kohona.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Joel 2:18

Anee ɡela Korowii sie ba o nɛra nɛ, dɛ sune ba nɛ harɛ la ta.

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Maeka 5:15

Mɛɛ kpɔ n bandia kohonaa ba ta harɛre nɛra baa wola n waa ta teŋɛ la nɛɛ dɛ́ chɔɡ ba.”

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sekaria 1:14

Ate, Korowii nyundua torome la waa bol waa n be la ŋɔ ń ka bol Koranar Bwa Kooro waa waa ŋɔa ŋɔ, ‘N dɛ nyin Jerusalam n bwɛjen waa do ɡoroŋ la waa taeh,

Sekaria 8:2

“N dɛ nyin Jerusalam waa taeh, n sie beɡrɔ kohona mɛɛ mee o wa.

Nɛra Kura 25:11

“Fenehas sie aa wola waa la ta lɛɛ la, a ɡelɔ n baah sɔɔh Israel tena nɛ. Anomanta, n ta ban hee.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Tɔn Pɔɔl Aa Chwerɛ Rom Tena 13:4

dɛkalkɛŋɔ Korowii bonɔɔnaa ban. He kɛrɛdɛ waa baa ɛ ba toma la. Dɛ he dɛ ɛ wechɔɡa te naa, dɛɛ ɔmɛ nomonome, dɛkalkɛŋɔ pɛɛpɛɛ laa ba dɔ kpeɡri baa kpoŋa la. Korowiirii tɛɛ ba kpeɡri ásɛ ba tɛr wechɔɡ-ɛɛra deŋne dɛɛ tɛo.

Mmarare 4:24

Korowii do kɛŋɔ ninlao ken dɛɛ chɔɡ kwa, o dɛ mee. Anomanta, he Israel tena ne waa won pɛ dɛ he ɡelo dɛ kaa tomɛ voɡaa.

Mmarare 7:10

Kɛ banɔ la baa haoh la te, wɛ́ɛ tɛr ba deŋnee waa wola kpɔ hɛlɛ kwaraa.

Hibru 10:30

Naate waa ŋɔa ŋɔ, “Menee dɔ wechɔɡa kem bɔe, menee dɛ́ bɔ nɛra ba wechɔɡa kem” la, ya jemɛ o nɛnsoo. Dɛ berɛ ŋɔ, “N Naa Korowii ɛɛ bol o nɛra waa dɛ́ pa bole.”

Josua 24:19

Ate, Josua ŋɔ nɛra la be ŋɔ, “He ken aa won tomɛ Korowii, o do ɡoroŋ dɛɛ we bwara. Waa he kasinteŋ bɛ dɔe ne he wechɔɡaa kpɔ kɛ heya.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.