Mumpar 9:6 - mzwDBL

⁶ Nomɛlbwa waa kpo o dɔŋ la, ɡɛɛ o dɔŋ bɛl ɡe ɛɛ ba o kpoe, dɛkalkɛ ɡɛ Korowii aa doa laanee o ta nɛwɛnyini.

Mumpar 9:6 Iomraidhean Croise

Mumpar 4:14

Na, he doŋ mɛ le he sie ne para ta. Taraken nɔ, maa soŋnibɔree dɔ harɛ nɔ ta bobɛlbwa kpa. Gaaɡa ɡboo mɛɛ ba mɛɛ ɡaaɡe, ásɛ nomɛlbwa waa na mɛ la, ó kpo mɛ.”

Mumpar 42:22

Belaa Rubin ŋɔ, “N te ŋɔ he be ŋɔ he bɛ bie la wobɛlbwa ɛ, kɛ he ta noɛ. Taraken, kpoe yaa kpoo laanee ɡure ya nyu ta la.”

Mumpar 5:1

Kenii Adam naanar teŋɛ dɔŋa nɛ. Korowii aa ta nɛwɛnyina la, o ta ba ɡɛ o tenten aa doa.

2 Samoɛl 4:11

Ɛrɛɛ mɛɛ ba nɛn waa wola wechɔɡa bɛlbwa ɛɛ dɛ chɔ o dea mpa ta nyubinikpeɡ tena ka kpoo waa bola ɔ? A ta chɛ kɛ o seo ɡure he nyu ta ń kpoo heyaa bɔ kem le harɛ nɔ ta naa?”

1 Koranar 2:9

Kɛ a ta chɛ kɛ he ɡelo o kaa bosɔɔhna ne, he jemɛ waa ɡa. Na ɡɛ háa ɛ ásɛ o sewɛ.”

2 Koranar 11:1

Kooro Ahasia nya baa dɛ yerɔ Atalia aa naa kɛ o bibaa Kooro Ahasia sewɔ la, o ŋɔ bá kpoo koobii baa ba di kora la bwa.

2 Koranar 11:16

Ate, ba tɛɡro le, dɛ kpoo Jaɡre Doonyoa, bela jaɡre aa cheɡa dɛɛ jo koodem la ta.

2 Koranar 11:20

Asɛ harɛ la ta nɛra bwa sie lɛ, bwɛjen la sɔɔh, kpoe baa kpo haŋkooro Atalia koodem la wa.

2 Webena 33:24

Kooro Amɔn nomonome la bini bane vɔrɔwe o vɔrɔwa dɛ kpoo o koodem.

Yela 51:4

He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.

Kaala 20:13

He bɛ nɛn kpo.

Sɛɡla 28:17

Nɛn waa dɛ kpoo nɛra la, o ɡbaɡba bɔɔ wɛɛ kwi, bɛ on kah.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Lewi Dea Tena 17:4

dɛ o ta kpɔe ba n Dea Cheremibɔr la doonyoa, dɛ ba kpo ɛ saraha n sie tɛ mɛ naa, dɛ o fuɡe chal ta dɛ di bolchɔɡe. Maa naate laanee kure ja n nɛra nɛɛ kpa.

Lewi Dea Tena 24:17

Nomɛlbwa waa kpo o dɔŋ la chɛ kɛ bá kpo o ɡe,

Nɛra Kura 35:16

Dɛ nomɛl kpɔ buni kon lɔ o dɔŋ o sewaa, naate kpo nɛn. Kpoe chɛ kɛŋɔ bá kpo o ɡe.

Nɛra Kura 35:25

Nɛra baa chema dɛ bol waa la lɛ nɛn waa kpo o dɔŋ la le nɛn waa dɛ nyinu dɛ́ kpo bɔ kem la nɔn ta, dɛ́ berɛ kpɔɔ kaa bwɛɛ waa chwaa dɛɛ la ka so o ta dɛ́ dɔ o nyu la ta. Ó so bela ka tel kɛŋɔ Sɔfonomoa baa fuɡe noo do o nyu ta Korowii sɔn ta la, aa baa sewɛ mɔɔ.

Nɛra Kura 35:33

Bobɛlbwa haa lole, he bɛ ɡɛ ɛ dɛ́ chɔɡ harɛ la. Nɛŋkpoa dɛ chɔɡ harɛ haa soɡe o ta la. Haa won kpɔ komɛlbwa kwaa harɛ la, nemenɛ naate waa kpo nɛn la ɡbaɡba chal.

Matiu 26:52

Anee Yeesu ŋɔ, “Kpɔ he kere la do o tɔɔ ta. Nomɛlbwa waa kpɔ kere dɛ ɛ wechɔɡa la, kere nee baa ba o ɡe kpoe.

Tɔn Pɔɔl Aa Chwerɛ Rom Tena 13:4

dɛkalkɛŋɔ Korowii bonɔɔnaa ban. He kɛrɛdɛ waa baa ɛ ba toma la. Dɛ he dɛ ɛ wechɔɡa te naa, dɛɛ ɔmɛ nomonome, dɛkalkɛŋɔ pɛɛpɛɛ laa ba dɔ kpeɡri baa kpoŋa la. Korowiirii tɛɛ ba kpeɡri ásɛ ba tɛr wechɔɡ-ɛɛra deŋne dɛɛ tɛo.

1 Kɔrent 11:7

Aa were kɛŋɔ baa ɡe kpɔ kon bɔle o nyu, dɛkalkɛŋɔ o do ɡɛ Korowii aa doa, dɛɛ baɡle Korowii jirima. Kɛ haah te dɛ baɡle baa jirima.

Mmarare 19:11

Kɛ dɛ nomɛl hah o dɔŋ, dɛ bɛɛlo dɛ ka lɔɔro kpo, dɛ chwa kaa bwɛjen la bɛl ta naa,

Mmarare 5:17

He bɛ nɛn kpo.

Jems 3:9

O nee yaa jam Korowii waa ɛ ya Naa ne ya Mɛɛ la, dɛ berɛ kpɔ o tenten dɛɛ taah ya dɔŋa Korowii aa ta ba kɛŋɔ o tenten la.

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.

Sitɔɔla 9:56

Gɛɛ a do Korowii tɛr Abemɛlɛk deŋne dɛ le nyubinikpeɡ waa ɛ o mɛɛ dɛ kpoo o dɔɔranar ne nimanar fifraanuanɛ ɡe la.

1 Samoɛl 15:33

Ate, Samoɛl berɛ ŋɔ, “Gɛ haa kpoo bechale ba nyare paŋɛ bii la, ɡɛɛ he nya ɡe ɛɛ ba bie paŋa.” Asɛ Samoɛl kpo Kooro Aɡaɡ Korowii sie Gelɡal bela.