Mumpar 9:3 - mzwDBL

³ Hɛ́ɛ won di a ɡɛ ola a siwi aa lole la, hɛ́ɛ wonoo kpoora di. Gɛ maa tɛ heyaa papooni, asɛ a ɛ kondikwaa tɛ heyaa la, ɡɛɛ n kpɔ a ɡe dɛɛ tɛ heya.

Mumpar 9:3 Iomraidhean Croise

Mumpar 9:2

N kpɔ ola ne jumbii aa dɛ ɡah nyundua, ne kwaa aa dɛ tuuɡi tea ta, ne anɔ la aa dɛ huuh, ne pɛŋa bwa do he nɔn ta, ásɛ a bwa ɛɛ ɔmɛ heya.

Lewi Dea Tena 22:8

A ta chɛ kɛ ó di konlale waa kaa piu, kɛɛ onɔ la kpɔɡ bini olchɔɡe aa lawɔ á che a ta ó kah doŋa. Men Korowiirii bola.

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 14:20

Bɛ kondikwaa waa koh dɛ́ chɔɡ waa Korowii aa ɛa. Ya won kondikwaa bɛlbwa dii, kɛ aa were kɛŋɔ ya di kondikwaa aa dɛ ba nɛn ne wechɔɡa ta laŋa.

Tɔn Pɔɔl Aa Chwerɛ Rom Tena 14:3

Naate waa dɛ di komɛlbwa la, a ta chɛɛ kɛŋɔ wɛɛ lii naate waa wola ol di la nɛndoŋ. Naate waa wola ol di la, o bɛ naate waa dɛ di komɛlbwa wechɔɡ-ɛɛ dɛɛ lii, dɛkalkɛŋɔ Korowii lɛo dɛ ɛo o bie.

1 Kɔrent 10:23

Nomɛl te kompɛɛ, “N dɔ ŋwɛnɛ kɛ ń ɛ wobɛlbwa,” kɛ a bwa laa wera tɛ mɛ, a bwa ɡe laa dɛɛ cha mɛ.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

Mmarare 12:15

Kɛ kondɛɛra haa di he deremi te, hɛɛ wonoo kpoora bela haa soɡa, dɛ́ won chwe ɡɛ bɛlbwa Korowii haa dɛ tomɔ nɔ aa tɛ heya, ɡɛ haa dɛ chwe kweɡli ne ahre la. He banɔ la haa kah doŋa ne banɔ la haa wola doŋa kaeh Korowii be pera bwa ɛɛ wono chwe.

Kolosi 2:16

Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ.