Mumpar 8:1 - mzwDBL

¹ Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

Mumpar 8:1 Iomraidhean Croise

Mumpar 19:29

Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.

Mumpar 30:22

Korowii no Rakɛl wa dɛ no o wesoŋa dɛ tɛo lol.

Mumpar 9:10

ne kpɔɡ bini ola ne kwaa aa dɛ tuuɡi tea ta, ne anɔ la aa dɛ huuh, ne jumbii ne kondɛɛra bwa aa ja he nɛɛ dɛ le daka la bini la.

Nehemia 13:14

N Naa Korowii maa dɛ tomɛ, nyiŋi waa maa ɛa kasinteŋ ne he Dea nɔ ta nɔ, ne ɡɛ baa dɛɛ tomɛ bela.

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Nehemia 13:29

N Naa Korowii maa dɛ tomɛ, tɛr ba deŋne kɛŋɔ, baa kpɔ doŋa kah sɔfore toma, ne fɔo waa chɔ he ne Lewi dea tena ne ba baah ta la wa.

Nehemia 13:31

N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Job Tɔn 12:15

O won ɡela bwaala ɡel nɛɛ ásɛ hwel che, o pili nyundua bwaala nɛ kohona naa, neerare dɛ suuɡi dɛ́ chɔɡ kwa.

Job Tɔn 14:13

N Naa Korowii, n dɛ nyin kɛŋɔ he laɡ mɛ sɔh lalabwɛ, dɛ́ ɡel n do bela ka tel saŋ he bandia nyoa aa sɔɔh, ásɛ he lii n waa tɔpetooro bɛl.

Yela 105:42

Korowii lii nyoa waa baɡɛ o bonɔɔ Abraham, o do ɡoroŋ la wa.

Yela 106:4

N Naa Korowii, he dɛ ba he nɛra chae yaa, lii n wa, he dɛ ba ba lɛɛ yaa, he cha n ɡe,

Yela 115:12

Korowii ɛɛ lii ya waa, dɛ swee yaa andɛɛɡa. Wɛɛ swee andɛɛɡaa tɛ Israel tena ne o sɔfore bwa.

Yela 132:1

N Naa Korowii, lii Kooro Devid ne wahala waa naa wa.

Yela 136:23

Onee lii ya waa dɛ na ya sum, ɡɛ saŋ yaa lɔ wahala ta. O nyina lole saŋ bɛlbwa dɛɛ la.

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Yela 29:10

Korowii dɛ di kora mpo vile ta, o dɛ di kora saŋ bɛlbwa dɛɛ la.

Yela 36:6

He wa aa toɡra la jaŋne kaa nyundua kɛ bwejena tenten ken, he bole pae bini do luŋri kɛŋɔ mpo vil, dɛɛ nyiŋi nɛwɛnyina ne ola bwa nɛ.

Kaala 14:21

Mosis tɛr daŋɡbala waa lɔ o nɔn ta la pa mpo la ta, asɛ awola jwaana la bwa Korowii ɡel peujen bɛl ta le wee leebɔr, dɛ taɡɛ nee la kaa habɔɔ o berɛ harɛpɛɛ dɛ hol chɔ. Mpo la bini pero,

Kaala 15:10

Kɛ haa hweera kerabeŋkpoŋ ɡbo la, a ɡelɔ mpo nee bɔle banɛ. Ba sirimo kɛŋɔ kpana aa sirimi vil bini la ken.

Kaala 2:24

Korowii no ba wii, dɛ lii fɔo o ne Abraham ne Aesek dɛ Jekɔb aa fɔwa la wa.

Sɛɡla 25:23

Gɛ dɔŋ bwara waa bola aa dɛ ba bandia ne la, ɡɛɛ peu waa taa le bobɛl dɛɛ ba bwaala nee ne la do.

Aesaya 44:27

N dɛ ŋɔ mpo hweeh, ó hweeh, ásɛ nenabɔɔne ɡe hweeh.

Jeremia 50:38

Hwél che ba harɛ ta, ásɛ o neerare bwa hweeh. Voɡa aa lɔ harɛ la ta warɔ, a kpɔ ɔmee kohona ba ta harɛ la nɛra nɛɛ ba ɡɛn.

Emɔs 8:7

Korowii Israel tena aa dɛ tomɔ la ŋwɛɛrɔ ŋɔ, “Maa ba waa baa ɛa bɛlbwaa soh bwa.

Jona 4:11

Aah ɛrɛ waa Niniwe o nɛra aa ɡwaa kaɡboŋa lafa fifraanɛ, baa wola wedɛɛɡa ne wechɔɡa baah jemɛ, ba kondɛɛra ɡe aa wola nyoa dɔe nɔ, ba waa aa wola n nɛɛ weɔ?”

Neehum 1:4

O dɛ bol wa mpo hweeh, dɛ́ ɡel neerare bwa hweeh. Basan harɛdɛɛɡe ne Kaamɛl Bwejen bwa dɛ hol, asɛ Lɛbanɔn daa fee bwa ɡe ɛɛ serewe.

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Sekaria 10:11

Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.

Nɛra Kura 10:9

Dɛ ba kaa jo ba harɛ ta, asɛ ba dɔma ba puu ba dɛɛ yo aa, bá hoh bɛle la. Men Korowii baa dɛ tom mɛ la ɛɛ lii ba waa, dɛ́ lɛɛ ba le ba dɔma nɔn ta.

Nɛra Kura 22:32

Korowii nyundua torome la bɔɔro ŋɔ, “Ɛrɛɛ he lɔɔ he keeɡo nɔ kera atoro bwa ken? Na, n balɔ dɛ́ ba tɔe ŋwɛnɛ dɛkalkɛŋɔ n ta hen ŋwɛnɛ tɛɛ kɛŋɔ he la Moab harɛ ta.

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Wepila 18:5

O wechɔɡa daŋɔ tel Korowii doa, Korowii kpaŋro bil.

1 Samoɛl 1:19

Tɔɔ aa pera chɔmbibii la, Ɛlkana ne o haahna ne bii iro dɛ ka tomɛ Korowii dɛ berɛ ba kaa Rama bela baa soɡa. Ɛlkana ne Hana chɔɔ, asɛ Korowii no o wesoŋa la.