Mumpar 7:4 - mzwDBL

⁴ Le fini dɛɛ kaa o yawanyoa, n dɛ ba ɡela bwaala nɛ kohona, waa ɡel bwa tɔpera fifraanaarɛ, dɛ́ chɔɡ komɛlbwa maa tao.”

Mumpar 7:4 Iomraidhean Croise

Mumpar 2:5

dɛ konduula ne kpɔɡa ta harɛ la ta leɛ, dɛkalkɛŋɔ dɛ o ta ɡelɛ bwaala nɛ o ta mɔɔ. Dɛ nomɛlbwa ɡe toole dɛ́ parɛ harɛ la.

Mumpar 6:13

Asɛ Korowii ŋɔ Nowa be ŋɔ, “N dɛ ba nɛra bwa chɔɡa le harɛ nɔ ta. Mɛɛ chɔɡ baa, dɛkalkɛ ba ɡelɔ naɡrenyin we-ɛɛla perɛ harɛ ta bwa. Kasinteŋ, mɛɛ chɔɡ ba ne harɛ bwaa.

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

Mumpar 6:3

Anee Korowii ŋɔ, “Maa ɡel n Doma waa dɛ tɛ mkpa la do nɛwɛnyini bini saŋ bɛlbwa dɛɛ la. Baa wonoo sewɛ. Taraken, nɛn aa biɡra kwaraa la, anee bene lafa fifraanɛ ɡbo, dɛ o sewɔ.”

Mumpar 6:7

“Mɛɛ chɔɡ nɛwɛnyina maa taa bwaa, ne ola ne jumbii ne kwaa aa dɛ tuuɡi tea ta ne anɔ la aa dɛ huuh bwa, dɛkalkɛ a dɛ we n nɛɛ kɛ maa taa.”

Mumpar 7:10

Tɔpera anuanɛ la habɔɔ la, nee la suu dɛ ba bɔle harɛ la bobɛlbwa.

Mumpar 7:12

Bwaala nɛo, waa ɡel bwa tɔpera fifraanaarɛ.

Mumpar 7:17

Nee la aa sua tɔpera fifraanaarɛ la, o wono ɡɔɔ daka la asɛ o jaah.

Mumpar 7:3

Jumbii ɡe, he kpɔ bele anuanɛ, onnee ne ombal. N dɛ nyin kɛ he ɛ ɡɛ maa baɡla nɔ, ásɛ a bini bɛlbwa soo siwi mun bɛ he, dɛ́ won ya kerekere.

Mumpar 8:10

Aa baa dɔ tɔpera anuanɛ la, o berɔ tomɛ kweah la.

Mumpar 8:12

A tɔpera anuanɛ ta la, o berɔ ɡel kweah le ja, asɛ waa kaala la, o ta o be balɛ kpa.

Mumpar 8:2

Bobɛlbwa nee aa bula dɛɛ le harɛ bwa tɔɔɡɔ, asɛ nyundua bwa ɡe tɔɔɡe, bwaala ɡel nɛɛ.

Job Tɔn 22:16

Ba serewɔ mɔɔ ba saŋ tel, kɛŋɔ nee yon su ba bɔle deene ta la.

Job Tɔn 28:25

Korowiirii ɡela peu nyoa do kpeɡri, dɛ maɡɛ mpo bini ne,

Yela 69:28

Gel ba fee ba sɔna le Mkpa Tɔn la bini, bɛ ba sɔna kpɔ ja he nɛra nɛ.

Jeremia 28:16

Anomanta, Korowii dɛ ba he kpoe le harɛ nɔ ta. Benanyoa ne chema dɛ he sewɔ, dɛkalkɛ he ɡelɔ nɛra nɔ berɛ habɔɔ kpoo. Gɛɛ Korowii ŋɔ.”

Emɔs 4:7

Menee ɡela bwaala ɡel nɛɛ, ɡɛ saŋ aa ka korobie atoro he komɛ koo koŋkwaare. N ɡelɔ bwaala nɛ bwɛɛ beŋkpoŋ ta, dɛ ɡel o ta bɛl te ta nɛɛ. O nɛ koo bɛl ta, bɛl ta bwaala dɔe, harɛ hol.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.