Mumpar 7:11 - mzwDBL

¹¹ Nowa aa di bene lafraanumɛl korobinɛɛte ta, tɔpera fi dɛ anuanɛ la taa harɛ bobɛlbwa bule, asɛ nyundua pili dɛ nɛ bwaala kohona.

Mumpar 7:11 Iomraidhean Croise

Mumpar 1:7

Gɛɛ Korowii ta bɔr nyundua dɛ pere nee la, ane kaa nyundua ane ɡe ka harɛ. Asɛ a ɛ ɡɛ.

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

Mumpar 7:6

Nowa bene lafraanumɛl taa a ɡɛ nee nɔ su dɛ chɔɡ harɛ nɔ la.

Mumpar 8:14

Korobinɛɛte tɔpera fifraanaarɛ dɛ anue ta la, dɛ harɛ ta bobɛlbwa hwaahrɔ.

Mumpar 8:2

Bobɛlbwa nee aa bula dɛɛ le harɛ bwa tɔɔɡɔ, asɛ nyundua bwa ɡe tɔɔɡe, bwaala ɡel nɛɛ.

2 Koranar 7:19

Dɛ kooro nomoa waa dɛ chao la fa ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Asɛ Korowii keame la fa chaŋo ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

2 Koranar 7:2

Anee nomoa waa dɛ cha kooro ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Elaesa ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

Job Tɔn 12:15

O won ɡela bwaala ɡel nɛɛ ásɛ hwel che, o pili nyundua bwaala nɛ kohona naa, neerare dɛ suuɡi dɛ́ chɔɡ kwa.

Job Tɔn 28:4

Ba kwiu dɛɛ la bela nɛn aa wola soɡe bwa, bela nɛn aa wola valɛ dɛɛ la, bela nɛra aa wola toole bwaa baa ɛ toma, ŋwɛɛra taa ba saɡre ɡɛ saŋ dɛ jo kaa kwia.

Job Tɔn 38:16

Job, he wono valɛ mpo vile bini ka aa? He wono valɛ mpo bɔluŋ tenten bini naa?

Job Tɔn 38:37

Umee dɔ wejema kohona dɛ́ won kure baama ɔ? Umee ɡela aa nɛ bwaala ɔ?

Yela 33:7

Onee ɡela mpo boa nyoa chɔ bobeŋkpoŋ, dɛ kwaa a vile cheɡ kɛŋɔ, paa yon kwaa kondikwaa cheɡ dɔndɔŋ bini la.

Yela 74:15

He ɡelɔ buli ne nenabɔɔne ɛɛ palɛ, dɛ ɡel mojena hweeh.

Sɛɡla 3:20

O wejema taa o che, dɛ ta neerare aa palɛ, dɛ berɛ ta baama aa ɛ bwaala dɛɛ nɛ.

Aesaya 24:18

Nomɛlbwa waa no ɔmewaa ɡbɔɡa dɛ́ chwa la, wɛɛ ka le bɔɔ binii. Nomɛlbwa ɡe waa le bɔɔ bini dɛ́ takapɔ ir la, wɛɛ le bel taa. Nyundua ɛɛ piluu nee fuɡe, kwaa harɛ aa cheɡɛ a ta ɡe yiiɡi kohona.

Aesaya 24:19

Harɛ ɛɛ peroo, wɛɛ jiɡruu dɛ́ peɡri.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Jeremia 51:16

O bol wa aa, bwaala dɛ nɛ dɛɛ kɔɡre nyundujaɡla, o ɡelɔ baama aa dɛ nɛ bwaala ir dɛɛ le harɛ jaɡa. O ɡelɔ bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Ɛsekeɛl 26:19

Nemenɛ Korowii ŋɔ, “Mɛɛ ɡeloo bwɛjen Taaya chɔ pɛɛ kɛŋɔ bwɛjena aa paɡra nomɛlbwa aa wola toole a ta, dɛ́ kpɔ mpo ba tɔ o ta ó ka vil ta.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Matiu 24:38

Gɛ saŋ nee la aa wola sui dɛ chɔɡ harɛ mɔɔ la, dɛ nɛra dɛ di kwaa dɛɛ lɛ ba sie, dɛɛ mo haahna, dɛɛ yalɛ jaranar. Ba lɔ ɡɛ waa nɔ ta dɛɛ ɛ dɛ ka tel ɡɛ saŋ Nowa aa jo daka la bini ɡel ba.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

2 Pita 3:6

Nee Korowii ɡel o su bɔle harɛ bwa a saŋ la dɛ chɔɡo.