Mumpar 7:1 - mzwDBL

¹ Korowii ŋɔ Nowa be ŋɔ, “He ne he bii ne he bii haahna bwa ka jo daka la bini. N nao kɛŋɔ harɛ nɔ ta, he ɡboo ɛ nɛn he wa aa toɡra.

Mumpar 7:1 Iomraidhean Croise

Mumpar 6:18

N ne hɛɛ fɔwɛ fɔwee, ásɛ he kpɔ he haah ne he bibaala, ne ba ɡe haahna bwa jo daka la bini dɛ́ ja he nɛ.

Mumpar 6:9

Kenii Nowa bwara waa do. Waa ira ɡɛ saŋ la, dɛ o ɡboo ɛ nomɛl o wa aa toɡra, wechɔɡa bɛlbwa aa wola toole o nɛ. Anomanta, o ne Korowii kpɔ darame.

Mumpar 7:13

Awola bwaala la aa pa mun laanee Nowa ne o haah ne ba bii batoro, Sɛm ne Ham ne Jafɛt dɛ ba ɡe haahna bwa ka jo daka la bini.

Mumpar 7:7

O ne o haah ne o bii, ne o bii haahna bwaa kaa jo daka la bini, ásɛ nee la bɛ ban kpɔ kaa.

2 Samoɛl 22:24

O jemɔ kɛ wechɔɡe bɛlbwa toole n nɛ, n laa n te kpɔ wechɔɡa ta.

Sɛɡla 10:9

Nɛn o wa aa dɔ kasinteŋ la, o wobɛlbwa dɛ́ do wer, nɛn o wa aa wola sie chɔ te, ba dɛ nao.

Sɛɡla 14:26

Baa waa dɛ ɔmɛ Korowii bwara dɛ sɔɔhno. Wɛɛ kpɔ nɔnee tɔ o haah ne bii nɛ.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Sefania 2:3

He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Amanesoma Luk Aa Chwera Tɔn 17:26

Gɛ aa ɛa Nowa bere saŋ la, ɡɛɛ Men Nɛn Bie la ɡe bala saŋ ɛɛ ba ɛɛ.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

1 Pita 3:20

A saŋ la tena baa ɛ deŋnekpeɡ dɛ vɛh Korowii Waa noe ɡɛ saŋ Nowa fa aa dɛ kwaa o daka la, ba lalaa o bol Korowii Waa baɡle la. Korowii fa lawɛ bambile ba nɛɛ biɡri, dɛ ka tel kɛŋɔ Nowa aa kwaa o daka la tonɛ. Nɛra tama baa lɔ o bini laanee Korowii lɛ nee la ta. Dɛ ba lɔ nɛra banuatoro.