Mumpar 6:3 - mzwDBL

³ Anee Korowii ŋɔ, “Maa ɡel n Doma waa dɛ tɛ mkpa la do nɛwɛnyini bini saŋ bɛlbwa dɛɛ la. Baa wonoo sewɛ. Taraken, nɛn aa biɡra kwaraa la, anee bene lafa fifraanɛ ɡbo, dɛ o sewɔ.”

Mumpar 6:3 Iomraidhean Croise

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Yela 78:39

O liiro kɛŋɔ ba ɛ nɛwɛnyina baa dɛ ba wona sewɛ, dɛ do kɛŋɔ peu aa taa baa kaa ken.

Yela 90:10

Bene yaa di lɔ fifraanuanɛ ɡbo, kɛɛ dɛ bokpeɡa ta lole naa, bene fifraanuatoro. Kɛ a bwa ɡe ta la, hɔhɔrɔwa ne suna dii ɡboo, aa biɡri dɛ a baa kaa, ya serewe.

Aesaya 5:4

A fe ta ka waane n fee ɛ daa la ta, asɛ n ta wone ɛ kɛɛ? N fe dɛ nyin kɛ a nɔnɛ nɔndɛɛɡa, aah bɔkwaa bera ɡel a nɔnɛ nɔnchɔɡa nɔɔ?

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 11:7

Le saŋ maa lawɛ ba naawa le Ijipt harɛ ta ba le fini, keraŋwɛnɛ bwaa n kah ba ŋɔ baa duu mɛ.

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Amanesoma Jɔn Aa Chwera Tɔn 3:6

Nɛwɛnyini lola lole, asɛ Korowii Domadɛɛɡe ɡe lola do le. Nɛwɛnyini lola ɛ bwadabii wa, asɛ Korowii Domadɛɛɡe lola ɡe ɛ lileo wa.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

1 Tesalonika 5:19

He bɛ ɡel Korowii Domadɛɛɡe waa soɡe he nɛɛ la nyoa sɔɔh.