Mumpar 6:14 - mzwDBL

¹⁴ Anomanta, Nowa, ka nyin daa waa kpeɡa, dɛ́ kwaa dakajen waa won nee sie vala kɛŋɔ ɡbera, ásɛ dɛ bɔne o bini kɛŋɔ deene, ásɛ dɛ kpɔ kootal maa o bini ne o habɔɔ bwa.

Mumpar 6:14 Iomraidhean Croise

Mumpar 6:13

Asɛ Korowii ŋɔ Nowa be ŋɔ, “N dɛ ba nɛra bwa chɔɡa le harɛ nɔ ta. Mɛɛ chɔɡ baa, dɛkalkɛ ba ɡelɔ naɡrenyin we-ɛɛla perɛ harɛ ta bwa. Kasinteŋ, mɛɛ chɔɡ ba ne harɛ bwaa.

Mumpar 6:15

Dɛ he dɛ ba daka la kwaara aa, ɡel o jaŋne ɛ naɡale lafraanaarɛ fifraanue, ásɛ o paɡri ɡe ɛ naɡale fifraanuanɛ dɛ anue, ásɛ o jaŋne dɛ́ kaa nyundua la ɡe ɛ naɡale fifraanaarɛ dɛ anue.

Kaala 2:3

Waa baa na kɛ waa won sɔɔh la sie bɛlbwa kpa la, o nyin komɛl baa kpɔ kpɔɡa sɔɔh kɛŋɔ fufu ken, o ne o tɔ dɛ kpɔ kootal maa o habɔɔ ásɛ nee bɛ won jo o bini. Dɛ kpɔ bie la do o bini ka cheɡ kpɔɡjaŋa ane aa cheɡɛ Nael Moo nyoa.

Matiu 24:38

Gɛ saŋ nee la aa wola sui dɛ chɔɡ harɛ mɔɔ la, dɛ nɛra dɛ di kwaa dɛɛ lɛ ba sie, dɛɛ mo haahna, dɛɛ yalɛ jaranar. Ba lɔ ɡɛ waa nɔ ta dɛɛ ɛ dɛ ka tel ɡɛ saŋ Nowa aa jo daka la bini ɡel ba.

Amanesoma Luk Aa Chwera Tɔn 17:27

Nowa bere saŋ la, dɛ ba dɛ di kwa, dɛɛ nyɔ sene, dɛɛ mo haahna, dɛ lawɛ haahna tɛ baala baa mo, dɛ ka tel kɛŋɔ awola Nowa aa jo o daka la bini, asɛ bwaala nɛ aaa, mpo ne neerare bwa su tɔ harɛ bwa, asɛ ba bwa serewe kwaraa.

1 Pita 3:20

A saŋ la tena baa ɛ deŋnekpeɡ dɛ vɛh Korowii Waa noe ɡɛ saŋ Nowa fa aa dɛ kwaa o daka la, ba lalaa o bol Korowii Waa baɡle la. Korowii fa lawɛ bambile ba nɛɛ biɡri, dɛ ka tel kɛŋɔ Nowa aa kwaa o daka la tonɛ. Nɛra tama baa lɔ o bini laanee Korowii lɛ nee la ta. Dɛ ba lɔ nɛra banuatoro.