Mumpar 5:3 - mzwDBL

³ Adam aa di bene lafa fifraatoro la, o lolɛ bibaa o le o ɡbaɡba, asɛ dɛ pa o sɔn Sɛt.

Mumpar 5:3 Iomraidhean Croise

Mumpar 4:25

Adam ne o haah berɔ lolɛ bibaa. Anee o haah ŋɔ, “Korowii tɛ mɛ bie o ba chiɡ Ebel, Keen aa kpoo la naa ta.” Anomanta, o pa o sɔn Sɛt.

Mumpar 5:2

Baa ne haahnee o ta, asɛ dɛ swee ba andɛɛɡa, dɛ yer ba “nɛwɛnyina.”

Mumpar 5:4

Sɛt lola habɔɔ la, o berɔ so bene lafraanuatoro, dɛ lolɛ o bibaala ne bihaahna bane ɡe.

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Job Tɔn 25:4

Ɛrɛɛ nɛn ɛɛ ba wona ŋɔ o waa toɡrɔ Korowii be nɔ? Ɛrɛɛ nɛwɛnyini ɛɛ ba wona ŋɔ doŋa toole o nɛɔ?

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 3:36

Seela ɡe mɛɛɛ Keinan, Keinan ɡe mɛɛɛ Aafaksad, Aafaksad ɡe mɛɛɛ Sɛm, asɛ Sɛm la ɡe mɛɛɛ Nowa. Nowa ɡe mɛɛɛ Lamɛk,

Amanesoma Jɔn Aa Chwera Tɔn 3:6

Nɛwɛnyini lola lole, asɛ Korowii Domadɛɛɡe ɡe lola do le. Nɛwɛnyini lola ɛ bwadabii wa, asɛ Korowii Domadɛɛɡe lola ɡe ɛ lileo wa.

Tɔn Pɔɔl Aa Chwerɛ Rom Tena 5:12

Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

1 Kɔrent 15:39

Bwadabii bwa ta beŋkpoŋ ɛɛ. A bwa ne a soo siwii. Nɛwɛnyini bwadabii korɛ ola kwaa ta. Asɛ pɛŋa ɡe kwaa korɛ jumbii kwaa ta.

1 Kɔrent 15:49

Gɛ yaa le onɔ la waa le harɛ nɔ ta la, ɡɛɛ yaa ba onɔ la waa le nyundua la ɡe lee.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.