Mumpar 49:9 - mzwDBL

⁹ Juda do kɛŋɔ nyujente ken. Kpaahna taa he che dɛ kpeɡ. O chɔ harɛ kɛ nyujente aa, umee dɛ wonu wɔ?

Mumpar 49:9 Iomraidhean Croise

1 Koranar 10:20

Ba ɛ nyujentena fi dɛ anɛ chɔŋre kwaa waa cheɡɛ a ta teeh kaa so kookara la ta. Ba ta ɡɛ kookara nɔ dɔŋ bɛlbwa ɛɛ ken tɛ koojen bɛlbwa harɛ nɔ ta bwa.

2 Webena 9:18

Ba ɛ bɔre anumɛl, bela waa che teeh kaa so kookara la ta. Ba ɛ komɛl waa do kɛ karajeɡa, dɛ kpɔ suuɡaswɛm ɛ o ta, o kpɔ nakpale dɛɛ chɔŋɛ o ta. Dɛ ɛ bela waa kpɔ nɔɔra dɛɛ dawɛ kara la ta, baŋne anɛ. Dɛ berɛ ɛ kwaane aa le nyujentena anɛ a che kara la jwɛh.

Ɛsekeɛl 19:5

O nya la nyiŋu ŋwɛnɛ, o hwɛɡa bwa tonɛ. Ate, o berɛ dɛɛ bii la bɛl ja o kpeɡ dɛ do ɔma.

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Hosia 5:4

Ba we-ɛɛla ɡelɔ baa won berɛ ba men Korowii baa dɛ tom mɛ be. Jwaman we-ɛɛla ɡboo su ba liire ta. Baa men Korowii jemɛ.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Nɛra Kura 23:24

Ba do kɛŋɔ nyujente nee ken, waa soɡe dɛɛ biɡri, dɛ o di ol waa kpoo. Waa so biɡri, dɛ o kpɛle kon waa kpoo chal bwa.”

Nɛra Kura 24:9

Ba do kɛŋɔ nyujente waa chɔa, nyujente nee chɔɔ waa, umee dɛ́ won lɔ bambile chumu wɔ? Nomɛlbwa waa swee andɛɛɡa tɛ Israel tena dɔ andɛɛɡa, nomɛlbwa waa taah ba la, á ɡure o ɡbaɡba nyu ta!”

1 Kɔrent 15:24

Belaa wobɛlbwa ɛɛ ba a jaɡa bala. A taa Yeesu Kristo ɛɛ ba kpeɡri dɔe, dɛ́ pɔ konchɔɡa aa bea yaa wola an na bwa soo siwi nɛ, dɛ́ kpɔ kora la do o Mɛɛ Korowii nɔn ta ó di.

Mmarare 33:20

Dɛ ŋɔ Gad dea tena be ŋɔ, ‘Korowii ɡel he dɔ harɛ kohona. Anomanta, hé kpɛɛro. He dea nɔ do kɛŋɔ nyujente waa dɛ toɡri ola nɔɔra ne nyuune.

Wepila 5:5

Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”