Mumpar 49:8 - mzwDBL

⁸ Juda, he dɔɔranar ɛɛ duurii, ásɛ he nɔn dawɛ he dɔma nɛ. He dɔɔranar ɛɛ ba ɡuŋi he siee.

Mumpar 49:8 Iomraidhean Croise

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Mumpar 29:35

O berɔ kpoŋe tea ja, waa baa lolɛ la, dɛ bibaalee ja, asɛ o ŋɔ, “Name te mɛɛ jam Korowiirii.” Asɛ dɛ pa o sɔn Juda. A habɔɔ o lol che.

Mumpar 42:6

Dɛ Josef ɛ Ijipt harɛ la nomoa ne nɛn waa yoɡ boyu dɛɛ tɛ harɛre bwa nɛra. Anomanta, o dɔɔranar la aa bala la, ba kaa ɡuŋi o sie, dɛ kpɔ sie piiɡi harɛ.

Mumpar 46:12

Juda ɡe bibaalaa nɔ, Ɛr ne Onan ne Seela ne Pɛrɛs dɛ Sɛra. Kɛ Ɛr ne Onan te sewɛ Keenan harɛ ta. Pɛrɛs bibaalaa nɔ, Hɛsrɔn ne Hamul.

2 Samoɛl 22:41

He ɡelɔ n dɔma chwa le n sie, n kpoo ba.

2 Samoɛl 24:9

Joab ba kooro be ba baɡle laa tena la nyoa baɡlo ŋɔ, Israel harɛ ta ɡbo, ba lɔ laa tena kaɡboŋa lafraanuatoro, asɛ Juda harɛ ta ɡe, ba lɔ baala kaɡboŋa lafraanue.

2 Samoɛl 5:3

Anomanta, Israel nomonome la bwa ba Kooro Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ.

1 Webena 28:4

Kɛ ane a bwa, Korowii Israel tena aa dɛ tomɔ le n ne n naanar kɛ, yá ɛ Israel harɛ koranar saŋ bɛlbwa dɛɛ la. O le nomoa le Juda dea tena bini, dɛ le nomoa le n mɛɛ wa luɡe waa le Juda. N mɛɛ bibaala bwa bini ɡe menee o bambile lawɛ, dɛ cheɡ mɛ kora Israel harɛ bwa.

1 Webena 5:2

Dɛ Juda dea tena dɔ kpeɡri ɡwaa deene la bwa. Kooro le bela dɛ tɛ deene la bwa, a lole kɛŋɔ dɛ Josef dea fe dɔ kpeɡri kɛ biloɡle.

2 Webena 14:8

Dɛ Kooro Asa dɔ laa tena kaɡboŋa lafraatoro Juda dea ba kpoŋe kwaa baa kpɔa dɛɛ tɔ ɡbemɡbe laa ta anjena ne lampeare. Dɛ berɛ dɔ laa tena kaɡboŋa lafraanɛ fifraanuatoro baa kpoŋe kwaa baa kpɔa dɛɛ tɔ ɡbemɡbe anjeɡre laa ta, ne tori le Bɛnjamen dea. Dɛ ba bwa ɛ banyoola kɛrɛdɛ!

2 Webena 15:9

Nɛra warɔ le Efrem ne Manasɛ ne Simeon deene ta dɛ ba ja Kooro Asa nɛ, dɛ so o harɛ ta, dɛkalkɛ ba nao kɛŋɔ Korowii ja o nɛ. Kooro Asa yerɛ ba bwa, ne Juda ne Bɛnjamen deene nɛra cheme.

2 Webena 17:2

O kpɔ laa tena ka so Juda harɛ bwɛjena baa ma danjwɛkpeɡa bara bwa, ne bwɛɛre bwa ta, dɛ bwɛjena a fa aa lɔ Kooro Asa lɔɡa Efrem harɛ ta bwa.

2 Webena 30:11

Kɛ dɛ ba bini bane le Aasa ne Manasɛ, dɛ Sebulon deene ta, dɛ sɛh kɛŋɔ baa ba Jerusalamee.

Yela 76:1

Nɛra baa lɔ Juda harɛ ta jemɛ Korowii, hale Israel harɛ ta tena dɛ́ bol ŋɔ Korowii sɔn kan.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Ɛsekeɛl 21:29

Amɔn tena, he wepila haa dɛ naa, ne waa haa ŋɔa aa bao la bwa ɛ nyosone. He ɛ nɛnchɔɡa, he nyu bini kpeɡri. He tɔpere telo, he deŋnetɛra tɔpere la telo tonɛ.

Nɛra Kura 1:27

Juda dea tena lɔ kaɡboŋa fifraanuanɛ dɛ banaarɛ lafraanumɛl.

Nɛra Kura 10:14

Juda dea ne deene aa ja ba nɛɛ tɔ sie, ba ne ba fraŋkaa. Asɛ Aminadab bibaa Naasɔn ɛ ba sitɔɔ.

Nɛra Kura 26:20

Juda dea nɛraa teŋa nɔ, Seela ne o dea nɛra, ne Pɛrɛs ne o dea nɛra, dɛ Sɛra ne o dea nɛra.

Nɛra Kura 26:22

Juda dea nɛraa ba bwa. Baala baa kur ba la lɔ kaɡboŋa fifraanuanɛ dɛ banumɛl lafraanue.

Mmarare 33:7

O bol Juda dea tena ɡe waa ŋɔ, ‘N Naa Korowii, no ba wii baa wia dɛɛ nyin chae. Gel ba ne deene aa kaa la dɔ nyopɛo. Yo tɛɛ ba, ásɛ ba le ba dɔma nɔn ta.’

Hibru 10:13

Belaa o do dɛɛ kpa ka tel kɛŋɔ Korowii aa ba o dɔma ne harɛ ásɛ o tiɡri ba nɛ.

Hibru 7:14

Nomɛlbwa jemɔ kɛŋɔ Juda deaa o le. Mosis ɡe fa ta bolɛ ŋɔ Juda dea tena dɛ di sɔfore bwa.

Josua 10:24

Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.

Josua 15:20

Harɛ Juda dea bii ne ba lolanar aa dɔa ó ɛ ba kon laanee nɔ.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 5:5

Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”

Sitɔɔla 20:18

Israel tena la Bɛtel dɛ ka bɔɔ le Korowii be ŋɔ, “Ya bini bamewaa dɛɛ ba sie tɔe ka yo Bɛnjamen dea tena nɔɔ?” Belaa Korowii chaŋ ba ŋɔ, “Juda dea tenaa dɛ́ tɔ sie ka yo.”