Mumpar 49:1 - mzwDBL

¹ Jekɔb yerɛ o bibaala asɛ dɛ ŋɔ, “Hé bwa ba cheme, ásɛ n baɡle heyaa waa aa dɛ ba he nɛɛ bala kerekere.

Mumpar 49:1 Iomraidhean Croise

Yela 105:15

“Nomɛlbwa bɛ nɔn kpɔ leɡe n bonɔɔna maa lee ba cheɡ tɛ n te nɔ, he bɛ n keamere nɔ bini bɛlbwa ha.”

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 22:14

Koranar Bwa Kooro ɡbaɡba bol n be ŋɔ, “Maa ɡɛ wechɔɡa nɔɔ kpɔ kɛ ba bwa ka tel ba seo tɔpere. Men Korowii, Koranar Bwa Kooroo bola.”

Aesaya 39:6

Saŋ bɛl dɛ ba ásɛ komɛlbwa waa lɔ he koodem bonɔ ne anɔ la bwa he naanar aa nyina cheɡ ba le fini la bwa Babelɔn tena ba kpɔa kaa ba harɛ ta, komɛlbwa aa ka. Korowiirii ŋɔa.

Aesaya 48:14

Hé bwa ba cheme dɛ́ no. Voɡa la bini umee wona baɡle anɔ nɔɔ? Nɛn maa leo la ɛɛ yo Babelɔn tenaa. Wɛɛ ɛ waa maa dɛ nyin kɛ o ɛ bwaa.

Aesaya 53:1

Anee nɛra la chaŋe ŋɔ, “Umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?

Jeremia 23:20

Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Daneɛl 10:1

Kooro Saeros aa di kora Pɛɛsea harɛ bentooro te ta la, Korowii pili waane bini baɡle Daneɛl, baa bera dɛ yerɔ Bɛltesasa. Dɛ waa la ɛ kpela dɛ ɛ laajen wa. Wepila la taa o che dɛ no waa la mun.

Daneɛl 10:14

Taraken, n balɔ dɛ́ ɡel he jemɛ waa aa dɛ ba he harɛ ta nɛra nɛɛ chiɡa kerekere, dɛkalkɛ ɡɛ wepila nɔ cheɡɔ tɛ waane a ta aa dɛ ba saŋ bɛl.”

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Nɛra Kura 24:14

Taraken n berɔ dɛɛ kaa n nɛra be, kɛ ɡel ń ŋɔ he be waa Israel tena aa dɛ́ ba kpɔe ɛ he nɛra kerekere.”

Amanesoma Luk Aa Chwera Tɔn 2:26

dɛ ɡel o jemɛ kɛŋɔ o siwi ɛɛ na Kristo la Korowii aa baɡɛ nyoa ŋɔ wɛɛ tomɔɔ ó ba lɛ Israel tena la mɔɔ dɛ́ sewɛ.

We-ɛɛla 2:17

‘Korowii ŋɔ, Harɛ chɔɡa tɔpera aa ka mun ta la, mɛɛ tɛ nɛra bwa soo siwi n Domadɛɛɡe la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

Mmarare 31:12

Gel harɛ la ta baala, ne haahna, ne bechale dɛ hɔɔhra baa lɔ he bwɛɛre la ta bwa cheme dɛ́ no, dɛ́ hweli Korowii duura, dɛɛ teŋɛ o webaɡla ta kɛrɛdɛ.

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.

1 Timoti 4:1

Korowii Domadɛɛɡe la pili waa nɔ bini chasee ken baɡle heyaa ŋɔ, kerekere la nɛra bane ɛɛ vɛh Yeesu waa nɔɔ dɛ́ kaa yarada koŋkwaa aa dɛ neɡ ba, ásɛ dɛɛ no a be.

2 Timoti 3:1

Jemɛ kɛŋɔ tɔpera aa ba ka mun ba la, aa do kpeɡrii tɛ nɛra,

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Hibru 13:1

He nya biirii dɔŋa Yeesu Kristo waa nɔ ta, anomanta, hɛ́ɛ nyin dɔŋa saŋ bɛlbwa.

Wepila 4:1

Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”