Mumpar 48:21 - mzwDBL

²¹ Jekɔb ŋɔ Josef be ŋɔ, “Taraken n seo telo, kɛ Korowiirii dɛ́ teŋɛ he nɛ, dɛ́ berɛ kpɔ heyaa ba Keenan, waa ɛ he naawa harɛ ta.

Mumpar 48:21 Iomraidhean Croise

Mumpar 12:5

O kpɔ o haah Sarai ne o nime Haran bie Lɔt, ne ba bwara laala bwa ne nɛndɔɔla baa dɔɔ ba Haran bela la, asɛ dɛɛ kaa Keenan harɛ ta.

Mumpar 15:14

Kɛ mɛɛ tɛr a ɡɛ harɛ la tena deŋnee. Ba ne bela lee dɛ ba la, kondɔɔh tenten nee baa ba bela lee ba.

Mumpar 15:16

He naanar bele banaarɛ ɛɛ ba kaaloo mɔɔ, he naanar berɛ ba harɛ nɔ ta, dɛkalkɛŋɔ Amɔre tena wechɔɡa baa dɛ ɛ la ta tele kɛ bá dɔ deŋnetɛra mɔɔ.”

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

Mumpar 37:1

Jekɔb soɡe Keenan harɛ ta, bela o mɛɛ fa aa soɡa la.

Mumpar 46:4

Mɛɛ teŋɛ he nɛɛ kaa bela, ásɛ dɛ berɛ ba he naanar ne a ɡɛ Keenan harɛ nɔ ta. He dɛ ba sewaa, Josef ɛɛ lawɛɛ he sewɛ.”

Mumpar 47:29

O seo tɔpere aa dɛ tel la, o yerɛ Josef dɛ ŋɔ o be ŋɔ, “Kpɔ nɔn do n hwie baah dɛ́ ŋwɛɛ kɛŋɔ nyina haa dɛ nyin mɛ ne kasinteŋ haa dɔa kohona tɛ mɛ nomanta, n sewaa, haa men Ijipt harɛ taa huɡe.

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

Mumpar 50:6

Baa laŋa dɛ́ ka bol kooro be la, o chaŋɔ ŋɔ, “Kaa dɛ ka huɡe he mɛɛ ɡɛ haa ŋwɛɛra baɡlo la.”

Yela 18:46

Korowii lole kɛrɛdɛ! Korowii waa do kɛ Bwetal la, hé kpɛɛro! Onee n chwa kaa marɛ. Hé ɡel Korowii waa dɛ lɛɛ mɛ la sɔn le.

Amanesoma Luk Aa Chwera Tɔn 2:29

“N Naa Korowii, he teŋɛ he nyobaɡa ta, name te hɛɛ wonoo ɡel men maa ɛ he bonɔɔ sewɛ sɔnɔnɔɔ,

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Mmarare 30:3

ate Korowii haa dɛ tomɔ la ɛɛ dɔ tedomaa tɛ heya, dɛ le he ne harɛre waa lɔ heyaa peɡre a ta la ta, ásɛ he ba pɛ, dɛ́ berɛ ɡel he do wer.

Mmarare 31:8

Korowii ɛɛ tɔ he siee dɛ́ ja he nɛ, anomanta, bɛ ɡel he bwara hwah, bɛ ɔmɛ.”

2 Timoti 4:6

N te, n seo tɔpere telo, n do kɛ sen baa dɔa dɛɛ ta dɛ ɛ saraha tɛ Korowii.

Hibru 7:3

Mɛlkesɛdɛk ta nya ne mɛɛ dɔe ya jemɛ. O ta lolanar dɔe. O ta lola tɔpere ne sewa tɔpere ɡba dɔe ya jemɛ. O ɛ Sɔfo saŋ bɛlbwa dɛɛ la aa wola jaɡa dɔe kɛŋɔ Korowii Bie la ken.

Hibru 7:8

Lewi luɡe ta sɔfore baa dɛ lɛ kwaa fi bɛlbwa bɔrbeŋkpoŋa la, ba dɛ sewɛ. Mɛlkesɛdɛk te aa lɛa la, Korowii Tɔn baɡlɔ kɛŋɔ o lole saŋ bɛlbwa.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 23:14

Josua ŋɔ, “N tɔpere telo kɛŋɔ n sewɛ. Hé bwa jemɛ he bambile ne he liire bwa bini kɛrɛdɛ kɛŋɔ wedɛɛɡa Korowii haa dɛ tomɔ la aa baɡɛ heyaa nyoa la bwa ɛɔ beŋkpoŋ kwaraa ta kae.

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

2 Pita 1:14

N jemɔ kɛŋɔ aa biɡri n wur n harɛ nɔ ta bwadabii nɔ ta. Ya Dɔɔ Yeesu Kristo ɡelɔ n jemɛ ɡɛ waa nɔ.