Mumpar 48:14 - mzwDBL

¹⁴ kɛ Jekɔb aa dɛ ba soŋa tɛɛ ba la, o ɡaɡre nɔɔra dɛ kpɔ nɔndiɡ dawɛ Efrem waa ɛ bechala la nyu ta, asɛ dɛ kpɔ nɔŋɡal dawɛ Manasɛ waa ɛ nomoa la ɡe nyu ta.

Mumpar 48:14 Iomraidhean Croise

Mumpar 41:51

Josef pa o binomoa la sɔn Manasɛ. O munii Korowii ɡelɔ n soh n wenaale ne n mɛɛ lolanar bwa wa.

Mumpar 41:52

O pa binɛɛte la ɡe sɔn Efrem. O munii Korowii tɛ mɛ bii harɛ maa na wahala o ta la ta.

Mumpar 46:20

Josef aa lɔ Ijipt la, o lolɛ bibaala banɛ. Banee Manasɛ ne Efrem. Haah o ne waa lol ba la sɔne Asenat waa ɛ sɔfo Pɔtefɛra bihaah, dɛ o soɡe On. O sɔn bɛl ɡee Hɛleopɔles.

Mumpar 48:13

Josef kpɔ Efrem cheɡ o mɛɛ ɡal ta, asɛ dɛ kpɔ Manasɛ cheɡ o diɡ ta,

Mumpar 48:17

Josef aa naa kɛŋɔ o mɛɛ kpɔ nɔn diɡ dawɛ Efrem nyu ta la, a ta o som doe. Anomanta, o laa o mɛɛ nɔn kpɔ Efrem nyu ta, dɛ kpɔ ba dawɛ Manasɛ nyu ta.

Mumpar 48:18

Asɛ dɛ ŋɔ, “N mɛɛ, Manasɛɛ binomoa, kpɔ he nɔndiɡ dawɛ o nyu ta.”

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 118:16

O kpeɡri ɡelɔ ya pɔ ya dɔma nɛ, o won wekpeɡa kohona ɛɛ.”

Kaala 15:6

N Naa Korowii, he nɔn diɡ dɔ jirima kpeɡri do o ta, he kpɔ chɔɡ ya dɔma.

Nɛra Kura 2:18

Wee cholibɔr peraa chɛ kɛ Efrem dea tena ne debele anɛ aa ja ba nɛɛ baŋre ba tɛnte deene dɛ́ so ba fraŋkaa jwɛh. Amihud bibaa Elisama waa le Efrem dea ɛ ba sitɔɔ.

Nɛra Kura 8:10

Ba Lewi dea tena la ne men Korowii sie, ásɛ Israel tena la kpɔ nɔɔra dawɛ ba nɛ.

Nɛra Kura 8:18

N kpɔ Lewi dea tena nɔ chiɡ Israel tena bibanloɡla naa ta.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Matiu 19:13

Dɛ nɛra bane kpɔ ba bii ba Yeesu be ŋɔ ó kpɔ o nɔn dawɛ ba nɛ, dɛ́ swee ba andɛɛɡa. Asɛ o habɔteŋra la kɔɡre nɛra la ŋɔ bá kpɔ ba bii la le le.

Matiu 19:15

Yeesu aa kpɔ o nɔn dawɛ ba nɛɛ tonɛ la, o le ba be dɛ kaa.

Matiu 6:5

Yeesu berɔ ŋɔ, “He dɛ ba Korowii soŋa aa, he bɛ he te ɛ kɛŋɔ nɛra baa dɛ na nɛra sie mɔɔ dɛɛ ɛ waa la. Banee yon dɛɛ nyin cheremi deene ne fɔɡbaahna cheɡa dɛɛ soŋe Korowii, ásɛ nɛra na ba. Kasinteŋ, ba te dɔ ba kembɔr tonɛ.

Amanesoma Luk Aa Chwera Tɔn 13:13

Yeesu kpɔ nɔɔra dawɛ haah la nɛ, asɛ buɡ la ta, o won pee o te, dɛ jam Korowii.

Amanesoma Luk Aa Chwera Tɔn 4:40

Wee aa dɛ jo la, nɛra baa dɔ chamene tena baa we weela bwa soo siwi la kpɔ ba ba Yeesu be, asɛ o kpɔ o nɔɔra dawɛ ba nɛɛ dɛ chah ba bwa sekwaraa.

We-ɛɛla 13:3

Anomanta, ba vɔwɛ nyoa dɛ soŋe Korowii, dɛ kpɔ nɔɔra darawe nɛra banɛ la nɛ, dɛ kpɔ ba do Korowii nɔn ta, dɛ ɡel ba kaa.

We-ɛɛla 6:6

Nɛra la kpɔ a ɡɛ nɛra nɔ baɡle Yeesu toroma la, asɛ ba kpɔ ba nɔɔra darawe ba nɛɛ dɛ soŋe Korowii tɛɛ ba.

Mmarare 34:9

Nun bibaa Josua ɡe dɔ wejema kɛrɛdɛ, dɛkalkɛŋɔ dɛ Mosis leo ŋɔ ó chiɡ o naa ta. Dɛ Israel tena la dɛ teŋɛ waa Korowii aa cheɡɛ Mosis nɛɛ dɛ kpɔ tɛ Josua la ta dɛɛ no o be.

1 Timoti 4:14

Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.

1 Timoti 5:22

Bɛ totoo kpɔ nɔɔra dawɛ nomɛlbwa nɛɛ dɛ leo ŋɔ ó ɛ Korowii toma, ásɛ dɛ naate ta ba wone kpoŋe tom la bini dɛ ka ɛ wechɔɡa aa, a ba maali. Nyiŋi he te kɛrɛdɛ dɛ bɛ ɡel wedoŋa bɛlbwa maali.