Mumpar 48:12 - mzwDBL

¹² Belaa Josef ɡɔɔ ba le o mɛɛ nakpale ta, asɛ dɛ kpɔ sie pi harɛ o sie.

Mumpar 48:12 Iomraidhean Croise

Mumpar 18:2

Abraham ha sie nyiŋi dɛ baala batoro banee ka cheɡa. Waa na ba la, o den ɛ warane dɛɛ chem ba, dɛ ɡuŋ ba harɛ dɛ kpɔ sie pi harɛ,

Mumpar 19:1

Nyundua toroma la tel Sodom jɔmɔrane. Dɛ Lɔt soɡe bwɛjen la doonyoa baa cheɡɛ o ta dɛɛ jo la ta. Waa na ba la, o iro dɛɛ chem ba, asɛ dɛ ba harɛ dɛ kpɔ sie pi harɛ dɛ ŋɔ,

Mumpar 23:7

Belaa Abraham ir dɛ baa ba harɛ,

Mumpar 33:3

Jekɔb berɔ ka tɔ ba bwa sie, asɛ waa dɛ bɛne Esɔ la, o ba harɛ kera anuanɛ mɔɔ dɛ tel o be.

Mumpar 42:6

Dɛ Josef ɛ Ijipt harɛ la nomoa ne nɛn waa yoɡ boyu dɛɛ tɛ harɛre bwa nɛra. Anomanta, o dɔɔranar la aa bala la, ba kaa ɡuŋi o sie, dɛ kpɔ sie piiɡi harɛ.

Mumpar 48:11

Anee Jekɔb ŋɔ o be ŋɔ, “N ta liire ŋɔ mɛɛ nae kpa. Kɛ Korowii ɡelɔ n nae, hale dɛ berɛ na he bii ɡe.”

Mumpar 48:13

Josef kpɔ Efrem cheɡ o mɛɛ ɡal ta, asɛ dɛ kpɔ Manasɛ cheɡ o diɡ ta,

1 Koranar 2:19

Ate, Batsiiba la Kooro Solomɔn be ŋɔ o dɛ la ka bol Adonija waa la tɛo. Kooro iro ka chemo, dɛ ɡuŋu harɛ dɛ berɛ ka so o kookara ta. Ba kpɔ kookara bɛl ɡe ka cheɡ kooro nomombɔr diɡ ta, asɛ o nya ka so o ta.

2 Koranar 4:37

Asɛ o ɡuŋi Elaesa harɛ, dɛ kpɔ o bie dɛ le buse.

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Kaala 34:8

Belaa Mosis ɛ warane dɛ kpɔ o sie pi harɛ dɛ duu Korowii.

Sɛɡla 31:28

O bii swee andɛɛɡa dɛɛ tɛo, o jaa ɡe ɛɛ kpɛɛro.

Lewi Dea Tena 19:3

He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Lewi Dea Tena 19:32

Hé kpɔ jirima dɛɛ tɛ nɛra baa hwɛɛhra, ásɛ dɛɛ duu ba, dɛ́ɛ duu men Korowii haa dɛ́ tom mɛ ɡe. Men Korowiirii bola.

Ɛfesos 6:1

Bechale, hɛ́ɛ no he nyare ne he mɛɛnanar wa, dɛkalkɛŋɔ haa ɛ Kristo tena nɔ, anee chɛ kɛ hɛ́ɛ ɛ.