Mumpar 47:7 - mzwDBL

⁷ Belaa Josef ka kpɔ o mɛɛ Jekɔb ba baɡle kooro la, asɛ Jekɔb swee andɛɛɡa tɛ kooro,

Mumpar 47:7 Iomraidhean Croise

Mumpar 14:19

dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ.

Mumpar 35:27

Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la.

Mumpar 47:10

Asɛ Jekɔb swee andɛɛɡa tɛ kooro ja dɛ kpɔ kalo.

Mumpar 47:8

asɛ kooro la bɔɔ Jekɔb ŋɔ, “He di bene aŋwɛnɛ ɔ?”

2 Samoɛl 14:22

Belaa Joab chole dɛ kpɔ sie pi harɛ Kooro Devid sie, dɛ kpɔ duure tɛo, dɛ soŋe andɛɛɡa tɛ kooro! O ŋɔ, “N nao kɛŋɔ he sie lɛo, dɛkalkɛ he ɛ waa maa dɛ nyin tɛ mɛ.”

2 Samoɛl 19:39

Anomanta, nɛra la bwa ɛɡɛ Jɔɔdan Moo la le asɛ Kooro Devid ɡe teŋɛ. Asɛ kooro kal Baasilai dɛ ɡbaaro pɛl o te, dɛ swee andɛɛɡa tɛo, asɛ Baasilai berɛ kaa dem.

2 Samoɛl 8:10

o tomɛ o bibaa Hadoram Kooro Devid be, o ka jaamo yoi waa kaa yo Kooro Hadadesa dɛ pɔ o nɛɛ la wa. Dɛ o ne Kooro Tou nɔ yo laa ka. Hadoram kpɔ suuɡaswɛm ne suuɡapoŋa dɛ ayaawa kwaa bwa soo siwi ba tɛ Kooro Devid.

1 Koranar 1:47

Anɔ la aa jaa ɡee kɛŋɔ, Kooro Devid nomonome ɡe la o be dɛ kaa jaamo ŋɔ, ‘Korowii haa dɛ tomɔ la ɡel Solomɔn sɔn le ɡwaale, ásɛ o kora ɡe do kan ɡwaa he kon!’ Asɛ Kooro Devid ir so o chɔɔbɔr dɛ soŋe ŋɔ,

1 Koranar 8:66

Tɔ aa pera la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena ne Kooro Devid dɛ Solomɔn la wa.

2 Koranar 4:29

Anee Elaesa ŋɔ Gehasi be ŋɔ, “Gbaa he batakaare dɛ́ vɔwɛ kiriso, dɛ́ kpɔ n daŋɡbala kpoŋe, dɛ́ chwa dɛɛ kaa. He kaa pu nomɛlbwa naa, bɛ waa o be bol. Nomɛlbwa ɡe bol waa he be naa, bɛ on chaŋe. Kpɔ n daŋɡbala la ka bil bie la sie.”

Kaala 12:32

Hé kpɔ he peera ne boohna ne nae bwa kaa ɡɛ haa bola la, ásɛ dɛ soŋe andɛɛɡa le he Korowii be tɛ mɛ.”

Matiu 26:26

Baa dɛ di kwaa la la, Yeesu kpɔ paanoo dɛ jam Korowii o wa, asɛ dɛ mɔne tɛ o habɔteŋra la dɛ ŋɔ, “N bo-olii la. Hé lɛ dɛ́ di.”

Amanesoma Luk Aa Chwera Tɔn 22:19

Asɛ o berɛ kpɔ paanoo dɛ jam Korowii o wa, asɛ dɛ mɔne tɛɛ ba, dɛ ŋɔ, “Anɔ cheɡɔ tɛ n bo-ol maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

Josua 14:13

Ate, Josua swee andɛɛɡa tɛ Jefune bibaa Kaleb, dɛ kpɔ bwɛjen Hɛbrɔn tɛo ŋɔ ó ɛ o kapɛrɛ kon.

Josua 22:6

Asɛ Josua swee ba andɛɛɡa, dɛ ta ba ŋwɛnɛ ba kaa ba sobɔra.

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.

1 Samoɛl 2:20

Sɔfo Eli yon swee andɛɛɡa tɛ Ɛlkana ne o haah ŋɔ, “Korowii ɡel he ne haah nɔ dɔ bii, bá ba chiɡ onɔ haa soŋo o waa dɛ kpɔ ba tɛo nɔ naa ta.” Ásɛ o ne haah la bwa yon berɛ kaa ba bwɛ.