Mumpar 47:6 - mzwDBL

⁶ Ijipt harɛɛ chɔa kaa la. Harɛ la bela waa wera la, kpɔ he mɛɛ ne he dɔɔranar ka so o ta. Dɛ he nyiŋi ba bini dɛ na kɛŋɔ bane ɛɛ won nyiŋi kondɛɛra ta kɛrɛdɛ naa, kpɔ n ɡbaɡba kondɛɛra la do ba nɔn ta.”

Mumpar 47:6 Iomraidhean Croise

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Mumpar 13:9

Anomanta, ya peɡri dɔŋa baah. Nyiŋi harɛ nɔ waa chɔa kaa nɔ bwa, ásɛ dɛ kpɔ baŋ bela bwa waa wera he be, ásɛ he do baŋ bɛl, ń ɡe do baŋ bɛl.”

Mumpar 20:15

Belaa Abemɛlɛk ŋɔ o be ŋɔ, “Na, harɛ nɔ aa chɔa kaa nɔ, n konee o bwa. Hɛɛ won ka so bobɛlbwa haa dɛ nyin.”

Mumpar 34:10

Hɛɛ won so ya be bonɔ, harɛ ɡee dena chɔ kaa la. Hɛɛ won ka so bobɛlbwa haa dɛ nyin, dɛɛ di bona dɛ́ dɔ kwa.”

Mumpar 45:10

Ó ba, dɛ́ ba so Gosen waa lɔ Ijipt harɛ nɔ ta dɛ́ bɛn mɛ. Ó kpɔ o bii ne o naanar ne peera ne boohna, ne o nae dɛ komɛlbwa waa dɔa ba.

Mumpar 46:34

hé nyiŋi kɛrɛdɛ dɛ́ ŋɔ o be ŋɔ haa ira bwa, kondɛɛra ta nyiŋa toma ɡboo hɛɛ ɛ ɡɛ ya naawa aa ɛa wubwa la. O no ɡɛ naa, wɛɛ ɡeloo he so Gosen harɛ bonɔ.” Dɛ Ijipt tena kii peteɡra, a waa Josef ŋɔ ba ŋɔ ɡɛ la.

Mumpar 47:11

Josef kpɔ o mɛɛ ne o dɔɔranar ka so harɛ la ta, bela waa wera ŋɔ ó ɛ ba kon, ɡɛ kooro aa bola la. Dɛ bela bɛne bwɛjen Rameses, Gosen bela.

Mumpar 47:16

Belaa Josef chaŋe dɛ ŋɔ, “Dɛ he suuɡa tonɔ aa, hé ka lawɛ kondɛɛra ba charɛ kondikwa.”

Mumpar 47:4

Ya balɔ dɛ́ ba so harɛ nɔ ta, dɛkalkɛ lɔr chole Keenan harɛ ta taeh, kondikwaa toole ya kondɛɛra kwaraa di. Nomoa, ya dɛ soŋe kɛ he tɛ yaa bɔr ya so Gosen harɛ ta.”

Mumpar 47:5

Ate, kooro ŋɔ Josef be ŋɔ, “Taraken he mɛɛ ne he dɔɔranar aa bala nɔ,

1 Koranar 11:28

Dɛ Jɛroboam ɛ bonɔɔ he kpɔ toma do o nɔn ta naa, ó won ɛa kɛrɛdɛ, Kooro la aa na ɡɛ o toma ɛɛ aa doa la, o kpɔɔ chɔ Manasɛ ne Efrem deene tom-ɛɛra baa dɛ ɛ tomkpeɡa nyoa.

2 Webena 26:10

O berɔ ɡel ba ma dejaŋa pua hɛŋle ɡbo harɛ ta, dɛ kwi bɔɔne aa won nee lɛɛ bwea lɔɡre, ne deŋɡarere harɛ aa chɔa kaa la ta, dɛkalkɛ o dɔ kondɛɛra kɛrɛdɛ. Dɛ o dɔ nɛra baa dɛ ɛ toma o kooni ne daa kooni aa lɔ deŋɡarere ne harɛpare andɛɛɡa ta, dɛkalkɛ dɛ o sie dɛ lɛ para ta.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Kaala 18:25

O le Israel baala bini wejerema la ba ɛ nomonome dɛ chɔ ba nyoo. Nɛra kaɡboŋa ne ba nomonome, nɛra lafare ne ba nomonome, nɛra fifraanunue ne ba nomonome, asɛ nɛra fifi ɡe ne ba nomonome.

Kaala 9:10

Mosis ne Arɔn ɛ tɔɔ la, dɛ ka che kooro sie. Asɛ Mosis taa nyundua, asɛ ɔɡra chole lee nɛra ne kondɛɛra nɛ, dɛ pili ŋwɛra.

Kaala 9:21

Kɛ banɔ la baa taŋ deŋne Korowii waa la ta la te ɡel ba nɛndɔɔla ne ba kondɛɛra kooni ta.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Jeremia 40:4

Kɛ fini, n laa jɔɡrɔre la dɛɛ foo he nɔɔra. Hɛɛ won teŋɛ n nɛɛ kaa Babelɔn ásɛ n nyiŋi he nɛ, dɛ haa nyin ɡe aa, he ɡel. Harɛɛ chɔa kaa la, hɛɛ won kaa bobɛlbwa haa dɛ nyin ka so.”

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

1 Samoɛl 21:7

Dɛ Doeɡ waa le Edom, dɛ ɛ Kooro Sɔɔl peteɡre nomoa lɔ bela awola tɔpere la dɛɛ tomɛ Korowii.