Mumpar 46:3 - mzwDBL

³ Belaa Korowii ŋɔ o be ŋɔ, “Menee Korowii he mɛɛwa aa tom mɛ la. Bɛ ɔmɛ kɛŋɔ he dɛ kaa Ijipt harɛ ta. Mɛɛ ɡeloo he mun ya bela taeh.

Mumpar 46:3 Iomraidhean Croise

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 15:13

Belaa Korowii ŋɔ o be ŋɔ, “Jemɛ kɛŋɔ he naanar ɛɛ ka ɛ hɔɔhra nɛra bane harɛ taa, dɛ́ ɛ yoma, ásɛ ba ɛɛ ba hɔhɔrɔwa bene lafraanaarɛ.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Mumpar 18:18

Akai, o naanar ɛɛ yao dɛ́ do kpeɡri, ásɛ ba sɔn le a che o nɛɛ ń tɛ nɛra baa lɔ harɛ nɔ ta bwa hɛɛra.

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Mumpar 35:11

Dɛ berɛ ŋɔ, “Menee Korowii Maa Ɛ Kpeɡri Bwa Dɔɔ la. Hɛɛ yao dɛ́ warɛ kohona. He luɡe taa harɛre nɛra ɛɛ ba lee, ásɛ koranar le ba bini.

Mumpar 47:27

Israel tena soɡe Ijipt harɛ Gosen pera, dɛ dɔ kondɔɔh asɛ ba mun ɡe ya kohona.

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

Mumpar 48:19

O mɛɛ ta sɛɛh dɛ ŋɔ, “N jemɔ, n bie. Manasɛ naanar ɡe ɛɛ warɔɔ dɛ́ ɛ nɛnjena. Kɛ o nime ɛɛ ba ɛ nɛnjenii ɡwaalo, ásɛ o naanar ɡe warɛ kohona.”

Kaala 1:12

Kɛ Ijipt tena la aa dɛ fiɡ ba kohona la, dɛ nae ba ɡe na dɛɛ ya kwara dɛɛ perɛ harɛ la bwa ta. Asɛ Ijipt tena berɛ dɛɛ ɔmɛ Israel tena la kohona.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Jeremia 40:9

Belaa Gedalia ŋwɛɛ ntam baɡ ba ŋɔ, “Hɛɛ berɛ Babelɔn tena nɔ ɔma, hé so bonɔ dɛɛ tomɛ Babelɔn kooro, aa chiɡ heyaa kɛrɛdɛɛ.

We-ɛɛla 27:24

dɛ ba ŋɔ n be ŋɔ, ‘Pɔɔl, bɛ ɔmɛ! Hɛɛ la Koojen Siisa bee. Nɛra la bwa he ne baa dɛ valɛ nɔ, Korowii noɔ tɛɛ. Wɛɛ lɛɛ baa.’ ”

We-ɛɛla 7:17

Korowii nyobaɡa waa baɡɛ Abraham kɛ wɛɛ lee ba Ijipt harɛ taa dɛ tɛɛ ba harɛfale la aa tela la, ya naawa baa lɔ Ijipt harɛ la warɔ kohona.

Mmarare 1:10

Korowii he naawa aa tomɔ ɡelɔ taraken he mun ya dɛ warɛ kɛŋɔ weweela ken.

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Mmarare 26:5

Ásɛ name he che bela dɛ́ bol Korowii haa dɛ tomɔ nɔ sie ŋɔ, ‘N nabaa fa ɛ Aram te dɛɛ ɡaaɡe, nɛra tamaa kenii o kpɔ dɛ ka so Ijipt harɛ ta, kɛ ba baa warɛ kohona, dɛ ɛ harɛbir nɛra dɛ dɔ kpeɡri ɡe ja.