Mumpar 46:2 - mzwDBL

² Korowii kpɔ o te baɡlo bela deera ta jwaana dɛ yerɔ ŋɔ, “Jekɔb.” Asɛ o sɛh dɛ ŋɔ, “Menee la.”

Mumpar 46:2 Iomraidhean Croise

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 15:13

Belaa Korowii ŋɔ o be ŋɔ, “Jemɛ kɛŋɔ he naanar ɛɛ ka ɛ hɔɔhra nɛra bane harɛ taa, dɛ́ ɛ yoma, ásɛ ba ɛɛ ba hɔhɔrɔwa bene lafraanaarɛ.

Mumpar 20:3

Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Mumpar 22:1

Waa nɔ bwa habɔɔ la, Korowii daah Abraham dɛ́ na ɡɛ waa dɛ yaradao. O yerɔ, “Abraham,” asɛ o sɛh ŋɔ “N Naa Korowii, menee nɔ.”

Mumpar 22:11

Asɛ Korowii nyundua torome bɛl che nyundua yerɔ, “Abraham!” Anee o sɛh ŋɔ, “Menee nɔ.”

Mumpar 31:11

Belaa nyundua torome bɛl yer mɛ deera la ta dɛ ŋɔ, ‘Jekɔb’ asɛ n sɛh ŋɔ ‘Menee nɔ.’

2 Webena 26:5

O tomɛ Korowii o bambile bwa ne ɡɛ saŋ Korowii keame Sekaria, waa dɛ jao Korowii waa ta taa soɡe le, asɛ Korowii sweero andɛɛɡa.

Job Tɔn 4:13

A do kɛŋɔ jwaanen deechɔɡa ken, a chɔɡ n dom,

Daneɛl 2:19

Awola jwaana la, Korowii pili waa la bini baɡle Daneɛl. Asɛ o kpɛɛ Korowii Waa Dɛ Di Kora Nyundua.

Sekaria 1:8

“Awola jwaana la, men Sekaria na baa bɛl wepila ta o so jaaɡɔswɛm ta. Dɛ o cheɡɛ daa ane baa dɛ yera mɛtel baah ta fɛlembɔjen bɛl bini, asɛ nɛra bane ɡe so jaaɡɔswɛɛma, ne jaaɡɔkɔla dɛ jaaɡɔpoŋa ta o habɔɔ.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

Nɛra Kura 24:4

nɛn waa dɛ no Korowii waa waa bola. Nɛn waa dɛ na waa Korowii Waa Ɛ Kpeɡri Bwa Dɔɔ aa pili a bini, dɛ chole chɔ harɛ o sie pili wɛɛ nyiŋi.

We-ɛɛla 10:13

Belaa Pita no kɛŋɔ nomɛl aa ŋɔ o be ŋɔ, “Pita! Ir dɛ́ kpo chwe!”

We-ɛɛla 10:3

Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 9:10

Dɛ asɔre te bɛl lɔ Damaskɔs baa yerɔ Ananias. O noɔ kɛŋɔ Yeesu aa dɛ yerɔ chaahna ta ŋɔ, “Ananias!” Asɛ o sɛh ŋɔ, “N Dɔɔ, menee la.”

We-ɛɛla 9:4

Belaa o chole harɛ dɛ no kɛŋɔ nomɛl aa dɛ yerɔ dɛɛ ŋɔ, “Oo, Sɔɔl! Ɛrɛɛ he che n nɛɛ ɡɛ nɔɔ?”

Sitɔɔla 7:2

Korowii ŋɔ Gedeɔn be ŋɔ, “He laa tena la warɔ ɡwaa ɡɛ maa dɛ nyin kɛ ń kpɔ Midian tena do ba nɔn ta bá pɔ ba nɛɛ la. Gɛ aa ɛ Israel tena bɛ ba lii kɛŋɔ ba ɡbaɡba kpeɡrii lɛɛ ba kɛ n ta wobɛlbwa ɛɛ la,

Sitɔɔla 7:9

Awola jwaana la, Korowii ŋɔ Gedeɔn be ŋɔ, “Ir dɛ́ kaa Midian tena sobɔr bela ka yoo ba. N dɛ ba ba kpɔe do he nɔn ta.

1 Samoɛl 3:10

Korowii berɔ ba che o jwɛh dɛɛ yerɔ kɛ wubwa la ŋɔ, “Samoɛl! Samoɛl!” Asɛ o chaŋe ŋɔ, “N dɔɔ, bol waa he bonɔɔ be, n dɛ no.”

1 Samoɛl 3:4

Asɛ Korowii yerɛ Samoɛl, o chaŋe ŋɔ, “N dɔɔ, menee la.”