Mumpar 45:3 - mzwDBL

³ A habɔɔ la, Josef ŋɔ o dɔɔranar la be ŋɔ, “Menee Josef. N mɛɛ ta lole naa?” Waa bɔɔ ba ɡɛ la, ba ta wone chaŋe wobɛlbwa, dɛkalkɛ ɔmee laɡ ba.

Mumpar 45:3 Iomraidhean Croise

Mumpar 37:20

Hé ba ya kpoo, dɛ́ kpɔɔ ta kɔlɔŋ nɔ bɛl nee aa wola toole o bini nɔ bini, dɛ́ ka ŋɔ olchɔɡe bɛl lawɔ chwe, dɛ́ na ɡɛ o deera waa deera la aa dɛ ba chiɡa.”

Mumpar 42:21

Dɛ ba dɛ bol dɔŋa be ŋɔ, “Taraken waa yaa dɛ na nɔ bwa le waa ya fa aa kpɔa ɛ ya nime Josef la. Ya na wenaale waa lɔ a ta dɛ soŋe yaa, kɛ ya ta noɛ. Anee ɡela ya ɡee na ɡɛ waa nɔ taraken la.”

Mumpar 42:22

Belaa Rubin ŋɔ, “N te ŋɔ he be ŋɔ he bɛ bie la wobɛlbwa ɛ, kɛ he ta noɛ. Taraken, kpoe yaa kpoo laanee ɡure ya nyu ta la.”

Mumpar 43:27

Asɛ o bɔɔ ba ɡɛ ba bwara aa doa dɛ berɛ ŋɔ, “Hé fa bol he mɛɛ wa n be. Ɛrɛɛ o bwara doɔ? O ta soɡe le o bwara do kpeɡri aa?”

Job Tɔn 23:15

A waa ɔmee chole n nɛɛ o sie nɔ, n lii a ɡɛ waa nɔ naa, n dɛ ɔmɔ.

Job Tɔn 4:5

He ɡe kwaa bala fini, dɛ kpɔ bambichɔɡa ba ta he nɛɛ la.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Amanesoma Mak Aa Chwera Tɔn 6:50

Ba bwa sekwara aa nao la, ba jum jaoh. Asɛ Yeesu bol waa ba be warane ŋɔ, “Hé lawɛ bambile. Menee! He bɛ ɔmɛ.”

Amanesoma Luk Aa Chwera Tɔn 5:8

Seemɔn baa bera dɛɛ yerɔ Pita aa na a ɡɛ waa nɔ la, o kaa ɡuŋi Yeesu sie dɛ ŋɔ, “Oo, n Dɔɔ, wechɔɡ-ɛɛree men! N poori, le n be.”

We-ɛɛla 7:13

Baa bera ba la bela nɛɛtena la, Josef kpɔ o te baɡ ba, asɛ ba jemɛ kɛŋɔ ba nime Josef laanee on. Ijipt harɛ kooro la ɡe baa jemɛ ba wa.

We-ɛɛla 9:5

Asɛ Sɔɔl ŋɔ, “Henee umeo, n Dɔɔ?” Asɛ naate ŋɔ, “Menee Yeesu la haa dɛ yoo mɛ la.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.