Mumpar 45:10 - mzwDBL

¹⁰ Ó ba, dɛ́ ba so Gosen waa lɔ Ijipt harɛ nɔ ta dɛ́ bɛn mɛ. Ó kpɔ o bii ne o naanar ne peera ne boohna, ne o nae dɛ komɛlbwa waa dɔa ba.

Mumpar 45:10 Iomraidhean Croise

Mumpar 46:34

hé nyiŋi kɛrɛdɛ dɛ́ ŋɔ o be ŋɔ haa ira bwa, kondɛɛra ta nyiŋa toma ɡboo hɛɛ ɛ ɡɛ ya naawa aa ɛa wubwa la. O no ɡɛ naa, wɛɛ ɡeloo he so Gosen harɛ bonɔ.” Dɛ Ijipt tena kii peteɡra, a waa Josef ŋɔ ba ŋɔ ɡɛ la.

Mumpar 47:1

Josef la Ijipt kooro be dɛ ka ŋɔ, “N mɛɛ ne n dɔɔranar kpɔ ba peera ne nae ne ba komɛlbwa baa dɔa le Keenan harɛ ta dɛ ba, taraken ba lɔ Gosen harɛ ta.”

Mumpar 47:12

Josef tɛ o mɛɛ ne o dɔɔranar, ne o mɛɛ lolanar bwa kondikwaa baa di. O tɛɛ ba ɡɛ del aa tel ba.

Mumpar 47:4

Ya balɔ dɛ́ ba so harɛ nɔ ta, dɛkalkɛ lɔr chole Keenan harɛ ta taeh, kondikwaa toole ya kondɛɛra kwaraa di. Nomoa, ya dɛ soŋe kɛ he tɛ yaa bɔr ya so Gosen harɛ ta.”

Mumpar 47:6

Ijipt harɛɛ chɔa kaa la. Harɛ la bela waa wera la, kpɔ he mɛɛ ne he dɔɔranar ka so o ta. Dɛ he nyiŋi ba bini dɛ na kɛŋɔ bane ɛɛ won nyiŋi kondɛɛra ta kɛrɛdɛ naa, kpɔ n ɡbaɡba kondɛɛra la do ba nɔn ta.”

Ɛsta 10:3

Mɔdekae ɛ nomonjen, dɛ Kooro Sɛksɛs toole naa, dɛ onee lole. O ɛ nɛnjen o dɔŋa Juu tena la bwa bini, asɛ baa tɛo jirima dɛɛ nyin o wa, dɛkalkɛŋɔ o nyin kɛrɛdɛ tɛɛ ba, dɛ nyin deŋnesɔɔhna tɛ o naanar bwa.

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Kaala 9:26

Gosen harɛ, bela Israel tena aa soɡa la ɡboo a ta leere.

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

We-ɛɛla 7:14

Belaa Josef kal o mɛɛ Jekɔb ŋɔ ó ne o bii ne o naanar bwa ba so o be Ijipt harɛ. Dɛ ba bwa lɔ nɛra fifraanuanɛ dɛ nɛra banue.