Mumpar 45:1 - mzwDBL

¹ Josef ta wone lawɛ o te o bonɔɔna la sie, o kpɔ takpeɡ ŋɔ ba be ŋɔ nomɛlbwa le buse, asɛ dɛ kpɔ o te baɡle o dɔɔranar la.

Mumpar 45:1 Iomraidhean Croise

Mumpar 42:24

Belaa Josef le ba be bela dɛ ka wi. Dɛ berɛ ba ba be ja o ne ba bol wa, asɛ o lawɛ Simeon le ba bini dɛ ɡel ba vɔrɔwo ba siwi ta.

Mumpar 44:34

Dɛ bie nɔ ta n nɛɛ teŋaa, ɛrɛɛ mɛɛ ba ɛɛ dɛ́ won la n mɛɛ be nɔ? Maa won ka na wechɔɡa aa dɛ ba n mɛɛ nɛɛ bala.”

2 Samoɛl 1:20

He bɛ an bol bwɛjena Gat tena be, kɛɛ Askɛlɔn fɔɡbaahna. He bɛ ɡel Filisti haahna no ba sie lɛ, á ba ɛ kɛŋɔ nɛra baa wola Korowii tomɛ bihaahna sie ɛɛ lɛo.

2 Samoɛl 13:9

O kpɔ kondikwaa la do loɡ bini tɛo, o ŋɔ waa di. Belaa Amnɔn ŋɔ, “Gel nomɛlbwa le bonɔ kaa.” Asɛ nɛra baa lɔ bela bwa kaa.

Aesaya 42:14

Korowii ŋɔ, “Maa mwaala ne biɡro, n dɛ nyin waane dɛ́ ɛ, kɛ n helɔ jeiih ken. Taraken te, mɛɛ do lɔŋɔree kɛŋɔ haah loltea aa lɔɔ ken. N eehnɔ, n hweera bwa pi.

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Matiu 18:15

Anee Yeesu berɛ ŋɔ, “Dɛ he dɔŋ ɛɛ wechɔɡa ane aa, la o be he ne o le bokɛre bela nomɛlbwa aa wola toole, dɛ́ ka ɡel o jemɛ wechɔɡa waa kpɔa ɛɛ. Dɛ o na o wechɔɡa dɛ larawe naa, dɛ he berɔ dɔ he chamenate.

We-ɛɛla 10:41

Korowii ta ɡelɛ o kpɔ o te chaɡle nomɛlbwa ka ja ya nɛra waa le yaa ŋɔ yá di o danseɛ nɔ nɛ. Ya ɡɛ nɛra nɔ ne o pɛ nɔn di kwaa o seo ta ira la habɔɔ.

We-ɛɛla 7:13

Baa bera ba la bela nɛɛtena la, Josef kpɔ o te baɡ ba, asɛ ba jemɛ kɛŋɔ ba nime Josef laanee on. Ijipt harɛ kooro la ɡe baa jemɛ ba wa.

1 Kɔrent 13:5

Waa waa saɡasaɡa ɛ o bala be. Waa o ɡbo nyin, o dɛ nyin nomɛlbwa. O baah aa nɛra nɛɛ di warawara. Waa nɛn waa lɛɛ dɛɛ do o bini.