Mumpar 44:7 - mzwDBL

⁷ Asɛ ba chaŋo ŋɔ, “Nomoa, ɛrɛɛ hɛɛ nyin he chaɡle nɔɔ? Korowii ɛɛ kisi yaa, yaa ɡɛɛ ɛ.

Mumpar 44:7 Iomraidhean Croise

Mumpar 35:22

Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.

Mumpar 44:6

Waa ti ba dɛ ka puu ba la, ɡɛ waa laanee o bol ba be.

Mumpar 44:8

Ya ta suuɡa yaa naa ya bone bini Keenan harɛ la berɛ ba tɛ heya aa? Ɛrɛɛ yaa ba wona ŋwɛ suuɡapoŋ kɛɛ suuɡaswɛm he nomoa dem ɔ?

2 Samoɛl 20:20

Anee Joab chaŋe ŋɔ, “Akai, Korowii ɛɛ la ane bojaŋ kɛŋɔ ń ba chɔɡ bwɛjen nɔ.

2 Koranar 8:13

Anee Hasael bɔɔ ŋɔ, “He bonɔɔ, n ɡee ume maa wola toole wobɛlbwa bini kɛ nyoate, ásɛ n won ɛ ɡɛ wejena nɔ dɔŋa ɔ?” Elaesa chaŋe ŋɔ, “Korowii ɡelɔ n jemɛ kɛŋɔ, henee dɛ́ chiɡ Kooro Bɛn Hadad naa ta di kora Siiria harɛ ta.”

Sɛɡla 22:1

Sɔndɛɛɡee chɛ nyina ɡwaa kondɔɔh tenten, ɡɛɛ duure do wer ɡwaa suuɡapoŋ kɛɛ suuɡaswɛm.

Wejereme 7:1

Sɔndɛɛɡe wer ɡwaa nosɔɔhsoma, ɡɛɛ seo tɔpere ɡe do wer ɡwaa lola tɔpere.

Hibru 13:18

Hé soŋe Korowii dɛɛ tɛ yaa. Ya jemɔ kɛŋɔ ya tea bini too, dɛkalkɛŋɔ ya dɛ nyin kɛ yaa ɛ waa aa toɡra saŋ bɛlbwa.