Mumpar 44:16 - mzwDBL

¹⁶ Anee Juda chaŋe ŋɔ, “N dɔɔ, ɛrɛɛ yaa ba he be bola ɔ? Ɛrɛɛ yaa ba wona tɔŋle ŋɔ ya laa ɔ? Ɛrɛɛ yaa ba wona ŋɔ ya waa dɔ kasinteŋ kpa ɔ? Korowii le ya mun ne. Taraken naate baa na numol nɔ o be ɡbo laa dɛ́ ɛ he yom, ya bwa ɛɛ ɛ he yomaa.”

Mumpar 44:16 Iomraidhean Croise

Mumpar 37:7

Ya dɛ vɔwɛ jaaɡe koo ta, asɛ bɛlbwa bil o kwaa dɛɛ korɛ. Belaa n kwaa maa vɔwa la ir che, asɛ he kwaa la ba bar n kwaa la cheme dɛɛ ɡuŋa.”

Mumpar 37:9

O berɔ dee anfala ja dɛ taa baɡle o dɔɔranar la ŋɔ, “Hé no, n deero asɛ wee ne korobie dɛ weweela fi dɛ beŋkpoŋ ɛɛ ɡuŋ mɛ.”

Mumpar 44:17

Anee Josef ŋɔ, “Akai, maa an ɡɛɛ ɛ bwa. Nemenɛ naate baa na numol la o be la ɡboo dɛ́ ɛ n yom. He kabora la te ɛɛ won kaa he mɛɛ be deŋnesɔɔhna ne.”

Mumpar 44:32

Anɔ la aa jaa laanee kɛŋɔ, n lɛ bie nɔ waa dawɛ n nɛ. N baɡɛ n mɛɛ nyoa kɛŋɔ dɛ n ta o ne balaa, menee waa dawɛ n nɛ n soɡa bini bwa.

Mumpar 44:9

Nomoa, ya bini bɛlbwa haa nao o be la, bá kpoo, ásɛ ya kar ɡe ɛ he yoma.”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

Ɛsra 9:10

N Naa Korowii yaa dɛ tomɛ, anɔ bwa habɔɔ, ɛrɛɛ yaa ba wona bol ɔ? Dɛkalkɛ ya ta waa haa do yaa a ta teŋɛ,

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Job Tɔn 40:4

“N Naa Korowii, menee ume, ń ŋɔ mɛɛ chaŋee yɔ? Maa wobɛlbwaa bol.

Sɛɡla 17:15

Korowii hah nɛn waa dɛ pa nɛn waa wola wechɔɡa ɛɛ bolchɔɡe, dɛ hah nɛn waa pa nɛn waa ɛ wechɔɡa boldɛɛɡe ɡe.

Sɛɡla 28:17

Nɛn waa dɛ kpoo nɛra la, o ɡbaɡba bɔɔ wɛɛ kwi, bɛ on kah.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Aesaya 5:3

Nɛra haa lɔ Jerusalam ne Juda harɛ ta, hé nyiŋi n ne n daa nɔ wa bini dɛ́ na.

Daneɛl 9:7

N Naa Korowii, he waa toɡrɔ, ya di sihiih fini. Juda ne Jerusalam tena, ne Israel tena haa lɔ yaa peɡre harɛre aa lɔ bojaŋa ne anɔ la aa bɛna ta bwa, dɛkalkɛ ya waa ta kasinteŋ dɔe tɛɛ.

Nɛra Kura 32:23

Dɛ he vɛoh he ta ɡɛ ɛɛ yaa, dɛ he ɛ wechɔɡa dɛ jo Korowii nɛ, aa ɡure he nyu taa.

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Amanesoma Luk Aa Chwera Tɔn 12:2

Wobɛlbwa nɛra aa tɔ a ta la ɛɛ le baŋee, ásɛ waa aa sɔah bwa ɡe le nɛra jemɛ.

We-ɛɛla 2:37

Nɛra la aa no a ɡɛ waa nɔ la, ba nao kɛŋɔ ba ɛ wechɔɡa, asɛ ba tea bini chɔɡ, ba bɔɔ Pita wa ŋɔ, “Aah ɛrɛɛ yaa ba ɛɛ yɔ, yabala?”

Mmarare 25:1

Mosis berɔ ŋɔ, “Dɛ waane chiɡ baala banɛ baah ta naa, hé kpɔ la kɔɔto ásɛ nɛn waa bol waa dɛɛ pa bole la ka pa onɔ la waa di boldɛɛɡe la bole, dɛ́ pa onɔ la ɡe bolchɔɡe.

Josua 7:1

Israel tena la ɛ deŋnekpeɡ, dɛ kpɔ kwaa baa lea cheɡ tɛ Korowii waa ŋɔa ba bɛ kpɔ la ta. Baa bɛl baa dɛ yerɔ Akan, o mɛɛ sɔne Kaami. Kaami ɡe mɛɛ sɔne Simri, asɛ o nabaa sɔne Sɛra, o le Juda dea. A ɡɛ Akan nɔɔ kpɔ kwaa baa lea cheɡ tɛ Korowii waa ŋɔa ba bɛ kpɔ la, asɛ a che a ta Korowii baah di ba nɛɛ kohona la.

Josua 7:18

Asɛ Josua ɡel Simri ne o lolanar le ba che beŋkpoŋa, asɛ Korowii lawɛ Akan, o mɛɛ sɔne Kaami. Kaami mɛɛ sɔne Simri, Simri ɡe mɛɛ sɔne Sɛra, dɛ le Juda dea.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.