Mumpar 43:3 - mzwDBL

³ Anee Juda ŋɔ o mɛɛ be ŋɔ, “Baa la kpɔ kon kpaa ya nyu ta ŋɔ ya ta ya nime la ne balaa, ya bɛ ɡel o na ya siwi.

Mumpar 43:3 Iomraidhean Croise

Mumpar 43:2

Jekɔb ne o bii aa di boyu baa kaa yawɛ le Ijipt harɛ ta ba tonɛ la, o ŋɔ ba be ŋɔ, “Hé berɛ la ka yawɛ boyu la tama ba ja.”

Mumpar 43:4

Dɛ hɛɛ sɛoh ya ne ya nime la kaa tenaa, yaa lao dɛ́ ka yawɛ kondikwaa la ba tɛɛ.

Mumpar 43:5

Kɛ dɛ haa sɛh tenaa, yaa la. Baa la ɡelɔ ya jemɛ kɛŋɔ dɛ ya ta ya nime la ne balaa, waa ya siwi nyin dɛ na kwara.”

Mumpar 44:23

Asɛ he berɛ ŋɔ ya be ŋɔ haa nyin kɛ he na yaa dɛ ya nime la ta jae.

2 Samoɛl 14:24

Anee kooro ŋɔ, “A ta chɛ kɛ Absalɔm so koodem bonɔ, maa nyin kɛ n siwi nao, ó kaa o dem ka so.” Anomanta, Absalɔm kaa so o dem, o ta kooro sie laŋɛ.

2 Samoɛl 14:28

Absalɔm soɡe Jerusalam bene anɛ dɛ o siwi ta kooro nɛɛ dawɛ.

2 Samoɛl 14:32

Anee Absalɔm chaŋo ŋɔ, “N tomɔ ŋɔ bá ka ŋɔ he be ŋɔ he ba ásɛ n tomɛ kooro be, dɛ́ fee ka bɔɔro ŋɔ, ‘Bɔkwa waa n le Gesur ba bonɔ nɔ? A wer kɛ n fe ta aa soɡe bela!’ N dɛ nyin kɛŋɔ n la kooro sie, dɛ bolchɔɡe bɛlbwa kwaraa n di aa, he ɡel o kpo mɛ.”

2 Samoɛl 3:13

Ate, Kooro Devid sɛh ŋɔ, “A wer ɡa! N ne hɛɛ fɔwɛ fɔwee. Kɛ kombeŋkpoŋii n hiah dɛ́ le he be. Dɛ Kooro Sɔɔl bihaah Mikal ta he nɛɛ jae yaa, bɛ ɡel he naa tire n sie kwara.”

We-ɛɛla 20:25

Taraken nɔ, n jemɔ kɛ he nɛra maa valɛ he nɛɛ dɛ bol Korowii Kora nɔ waa he be nɔ, haa men na kpa bwa.

We-ɛɛla 20:38

Waa la aa ɡela ba loo ku kohona laanee kɛŋɔ waa ŋɔa baa on na kpa bwa la. Baa ɡwao tonɛ la, ba doo ŋwɛnɛ la stiimae la bɔr.

We-ɛɛla 7:34

N na fiiɡa Ijipt tena aa dɛ fiiɡi n nɛra Ijipt harɛ ta, dɛ no ba wii baa dɛ wi la bwa ɡe. A balaa n ba ŋɔ ń ba lɛɛ ba ta la. Anomanta, n dɛ ba he toma Ijipt harɛ.’