Mumpar 43:16 - mzwDBL

¹⁶ Josef aa naa kɛ Bɛnjamen ja ba bini la, o ŋɔ o bonɔɔ waa dɛ nyiŋi o dem la be ŋɔ, “Kpɔ nɛra nɔ kaa n dem, dɛ́ ka kpo kon ɛ kondikwa, n dɛ́ ba n ne bá di kondikwa webaŋa nɔ ne.”

Mumpar 43:16 Iomraidhean Croise

Mumpar 15:2

Anee Abram ŋɔ, “Nemenɛ Korowii, bɔkwa konee hɛɛ ba kpɔe tɛ mɛ ó ɡwaa kɛŋɔ maa wola bie lolɛ bwa nɔɔ? N bonɔɔ Eliesa waa le Damaskɔs laanee dɛɛ ba n kapɛrɛ dii.

Mumpar 21:8

Aesek kpeɡo ba teŋo el. Awola baa teŋo el la tenten la, Abraham ɡelɔ ba ɛ kondikwaa ba kpɔ lɛ ba sie.

Mumpar 26:30

Asɛ Aesek ɡel ba daa kondikwaa tɛɛ ba ba di, dɛ nyɔ sen lɛ ba sie.

Mumpar 31:54

O ɛ saraha deŋɡarere harɛ baa soɡa la ta, dɛ yerɛ o lolanar la ba ba di kondikwaa la. Baa dia tonɛ la, ba chɔ bela awola jwaana.

Mumpar 43:17

Bonɔɔ la ɛ ɡɛ Josef aa doo la, asɛ dɛ lawɛ nɛra la kaa o dem.

Mumpar 43:19

Anomanta, baa tel dem la doonyoa la, ba ŋɔ bonɔɔ la be ŋɔ,

Mumpar 44:1

Josef ŋɔ bonɔɔ waa dɛ nyiŋi dem bela la be ŋɔ, “Do kondikwaa baala nɔ bɔɡtɔre bini a suuɡi, ásɛ dɛ kpɔ bɛlbwa suuɡa vɔwɛ o bɔɡtɔ nyoa.

Mumpar 44:4

Baa dɛ kaa baa wola bobɛlbwa tele mɔɔ la, Josef ŋɔ bonɔɔ waa dɛ nyiŋi dem bela la be ŋɔ, “Ɛ warane dɛ́ ti baala la. He kaa puu ba aa, hé bɔɔ ba ŋɔ, ‘Ɛrɛɛ he kpɔ wechɔɡa bɔ wedɛɛɡa kem nɔɔ?

Sɛɡla 9:2

O kpo ol dɛ kpɔ ɛ kondikonjena, dɛ kpɔ konsɔɔhsoma ane koo sen ta, dɛ pa chɔŋre teebur ta.

1 Samoɛl 25:11

Ɛrɛɛ chɛ kɛ ń kpɔ n paanoo ne n ne, dɛ ola maa kpoora tɛ nɛra baa dɛ fonɛ n peera tɛ nɛra maa wola ba leebɔr jemɔɔ?”