Mumpar 43:11 - mzwDBL

¹¹ Ba mɛɛ ɡe ŋɔ, “Dɛ ɡɛɛ tenaa, hé kpɔ ya harɛ nɔ ta kwaa kɛŋɔ, noo tama ne tooh tama ne konsɔɔhsoma, ne korobo ne daa nɔna aa dɔ pɛla do he pure bini ka tɛ nomoa la.

Mumpar 43:11 Iomraidhean Croise

Mumpar 33:10

Anee Jekɔb ɡe ŋɔ, “Akai, n dɛ soŋe dɛ he sie lɛ n nɛɛ tenaa he kpɔ. Taraken maa nae nɔ, a denɔ ɛɛ mɛ kɛŋɔ maa na Korowii ken.

Mumpar 37:25

Ba soɡo dɛɛ di kwa, belaa ba ha sie nyiŋi, dɛ na Ismael bonadiire ne ba nyoɡmare aa cheɡɛ konsɔɔhsoma baa dɛ fuah, ne dapɛɡa ane baa dɛ ɛ ane tɛɛɡa, ne korobo le Gelead harɛ baa kaa Ijipt harɛ.

Mumpar 43:10

Ken laa ya do waa nɔ ta dɛɛ tɛɡre aa, ya fe la kera anɛ ba.”

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

Mumpar 43:15

Kɛ ane a bwa, ba kpɔ koŋkɛɛla la ne suuɡa bele anɛ la ne Bɛnjamen, dɛ chiɡ ŋwɛnɛ ta kaa Ijipt harɛ ta warane, dɛ kpɔ ba te ka chaɡle Josef.

Mumpar 43:25

Ba noɔ kɛŋɔ baa di webaŋkwaa dem belaa, anomanta, ba kwaa ba koŋkɛɛla la cheɡ dɛɛ kpa Josef bala webaŋa la ne.

Mumpar 43:26

Josef aa ba dem la, ba kpɔ koŋkɛɛla la ka ɡuŋi o sie dɛ kpɔ tɛo.

1 Koranar 10:15

Anɔ la waa dɔa dɛɛ le bonadiire ne kon-yoɡra ne Arab harɛ koranar dɛ nomonome baa chɔ harɛre nyoo be te ta jae.

1 Koranar 10:25

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.

1 Koranar 15:19

Kooro Asa ŋɔ, “N dɛ nyin kɛ n ne he fɔwɛ fɔo, ɡɛ ya naawa fa aa ɛa la. N kpɔ koŋkɛɛla aa ɛ suuɡapoŋa ne suuɡaswɛm nɔ dɛɛ tɛɛ, á ɛ fɔo dɛ́ chɔɡ he ne Israel Kooro Baasa fɔo la taraken, ásɛ o ne he laa tena le n harɛ nɔ ta kaa.”

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

2 Koranar 16:8

Anee Juda Kooro Ahas kpɔ suuɡapoŋa ne suuɡaswɛm aa lɔ Korowii Dea, ne deene baa dɛ cheɡ laala a yoɡ aa kpeɡa a bini koodem la, dɛ tomɛ ba kpɔ ka kɛ Asiiria koojen la.

2 Koranar 20:12

A ɡɛ saŋ dɛ Babelɔn harɛ ta kooro bɛl sɔne Mɛrɔdak Baladan, o mɛɛ sɔne Kooro Baladan. Kooro Mɛrɔdak Baladan aa no Kooro Hɛsɛkea weela waa la, o chwerɛ tɔne dɛ kpɔ koŋkɛɛla ja tomɛ ŋɔ, bá kpɔ ka tɛo.

2 Koranar 8:8

o ŋɔ Hasael waa ɛ o nomonome la bini bɛl be ŋɔ, “Kpɔ koŋkɛɛla, dɛ́ la Korowii keame la be, dɛ́ ɡel ó bɔɔ le Korowii be kɛŋɔ mɛɛ ir n weela nɔ taa yaa?”

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Yela 68:29

He Dea waa lɔ Jerusalam nomanta, koranar ɛɛ kpɔ koŋkɛɛlaa ba tɛɛ.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Sɛɡla 17:18

Gɛnee di ajinamuu dɛɛ tɛ nomɛlbwa.

Sɛɡla 18:16

Koŋkɛɛla pili ŋwɛnɛ dɛɛ tɛ nɛn, a ɡelɔ wɛɛ jo nomonome bini.

Sɛɡla 19:6

Nɛra ɡalɡa takapɔ kɛŋɔ ba waa ɛɛ lɛ nɛnjen sie, ɡɛɛ nomɛlbwa ɡe ɛ nɛn waa dɛ kɛ kwaa dam.

Sɛɡla 21:14

Dɛ nomɛl baah di he nɛ, he sɔh kpɔ kon kɛo waa, a ɡelɔ o baah ɛɛ sɔɔh.

Yelsom 4:10

N hanfale ne n sɛnodɛɛɡe, na ɡɛ n sie aa lɛ he nyina haa dɛ nyin mɛ ta! He nyina dɔ pɛla kohona dɛ ɡwaa sen, asɛ he konsɔɔhsoma sɔɔh ɡwaa daawiile baa dɛ fuah sɔɔh.

Yelsom 4:14

ne safrɔn, ne kalamus ne sinamɔn, ne korobo, dɛ konsɔɔhsoma aa wera bwa soo siwi.

Yelsom 8:14

N sɛnodɛɛɡe, ɛ warane ba n be, chwa ba warane kɛŋɔ kweɡla kɛɛ kweɡlibale waa le bwejena konsɔɔhsoma aa lɔ o ta doa.

Jeremia 8:22

Tɛɛɡa toole Gelead harɛ kɛɛ? Nɛra baa dɛ chah weela toole bela aa? Ɛrɛɛ n nɛra ta chaeh dɔe nɔɔ? Ba ŋwɛra aa won tonɛ.”

Ɛsekeɛl 27:15

He ne baala baa le Roods di bona. He ne nɛra kɛrɛdɛ baa soɡe mpo nyoa ɡe di bona. Ba kpɔ bala nyena ne dadɛɛɡa ba charɛ kwaa he be.

Ɛsekeɛl 27:17

Juda tena ne Israel tena ne he di bona. Ba kpɔ mea ne tohno ne ɔleve no, dɛ konsɔɔhsoma baa dɛ fɔɡla ba charɛ laala he be.

Ɛsekeɛl 27:22

Seeba tena ne Raama tena ne he di bona. Ba kpɔ konsɔɔhsoma bwa soo siwi aa wera kɛrɛdɛ ne bwedɛɛɡa a yoɡ aa kpeɡa, dɛ suuɡaswɛm ba charɛ laala he be.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

We-ɛɛla 21:14

Ya bol harɛ bini waa nɔ bwa o be, o ta noɛ. Anomanta, ya ɡelo dɛ ŋɔ, “Gɛ Korowii aa dɛ nyin a ɛ la, á ɛ ɡɛ.”

Mmarare 33:14

N Naa Korowii, ɡel wee lɔ ásɛ ba harɛ daa nɔna do wer. Saŋ bɛlbwa ɡel daa nɔndɛɛɡa do ba harɛ ta.

1 Samoɛl 25:27

Koŋkɛɛla he tolo aa ba a ne nɔ, n dɛ soŋe kɛ he lɛa dɛ́ kpɔ tɛ he bonɔɔna baa dɛ teŋɛ he nɛɛ la.

1 Samoɛl 9:7

Ate, Sɔɔl bɔɔro ŋɔ, “Ya la baa la be naa, bɔkwaa yaa ba dɔe tɛo wɔ? Kondikwaa aa lɔ ya pure bini bwa tonɔ. Komɛlbwa toole yá dɔ ka tɛo.”