Mumpar 41:51 - mzwDBL

⁵¹ Josef pa o binomoa la sɔn Manasɛ. O munii Korowii ɡelɔ n soh n wenaale ne n mɛɛ lolanar bwa wa.

Mumpar 41:51 Iomraidhean Croise

Mumpar 41:30

A habɔɔ la, lɔr ɛɛ chiɡ harɛ nɔ taa bene anuanɛ, ásɛ nɛn soh kɛŋɔ kondikwaa fa balɔ ka. Dɛkalkɛ lɔr la ɛɛ chɔɡ harɛ nɔɔ.

Mumpar 41:50

Sɔfo Pɔtefɛra waa le bwɛjen On bihaah Asenat lolɛ bibaala banɛ tɛ Josef mɔɔ lɔrchɔɡe la ba.

Mumpar 41:52

O pa binɛɛte la ɡe sɔn Efrem. O munii Korowii tɛ mɛ bii harɛ maa na wahala o ta la ta.

Mumpar 48:1

Awola bɛl, ba baa ŋɔ Josef be ŋɔ o mɛɛ bwara dɛ weo. Belaa o kpɔ o bibaala banɛ, Manasɛ ne Efrem asɛ ba ka nao.

Mumpar 48:5

Jekɔb berɔ ŋɔ o be ŋɔ, “He bibaala banɛ, Manasɛ ne Efrem haa lol ba Ijipt mɔɔ n ba la bwa ɛ n kwa, kɛŋɔ n bibaala Rubin ne Simeon.

Job Tɔn 11:16

Hɛɛ soh he wenaale la bwaa kwaraa, kɛŋɔ nee aa pala ba kaa, haa wola an na kpa la.

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Yela 45:10

Kooro hanfale, dɛɛ no waa maa dɛ ba bola nɔ, soh he nɛra ne he lolanar wa.

Sɛɡla 31:7

Banee chɛ kɛŋɔ ba nyɔa, dɛ́ soh ba nyae ne suna baa dɛ di.

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Aesaya 65:16

Nomɛlbwa dɛ nyin kɛ o swee andɛɛɡa harɛ la ta naa, ó soŋe le men Kasinteŋ Korowii be. Wahala aa lɔ he nɛɛ wubwa ɛɛ tonɔɔ, he soh a wa.”

Nɛra Kura 26:28

Josef bibaalaa Manasɛ ne Efrem dea.

Mmarare 33:17

O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’

Josua 14:4

Josef dea tena lɔ bele banɛ, Manasɛ ne Efrem deene tena. Lewi dea tena ta harɛ la bɛlbwa dɔe, nemenɛ bwɛɛre waa ɡela ba so a ta ne bela waa tɛɛ ba ŋɔ ba nae ne peera ɛɛ di la ɡbo.

Josua 17:1

Ba bɔne Jɔɔdan wee cholibɔr harɛ la pera tɛ Josef binomoa Manasɛ ne o lolanar, o ɛ ba kapɛrɛ kon. Josef binomoa sɔne Manasɛ, asɛ o ɡe binomoa sɔne Makir. Makirii Gelead tena naa, dɛ o jemɛ yoi taeh. Anomanta, Gelead ne Basan harɛ aa lɔ Jɔɔdan wee leebɔr la baa ɛ o kwa.

1 Samoɛl 1:20

Gɛɛ a do o kpoŋe tea, dɛ lolɛ bibaa dɛ pa o sɔn Samoɛl, dɛ ŋɔ, “Korowiirii n soŋe o tɛ mɛ.”