Mumpar 41:41 - mzwDBL

⁴¹ Dɛ ŋɔ Josef be ŋɔ, “N kpɔ Ijipt harɛ nɔ bwa do he nɔn ta.”

Mumpar 41:41 Iomraidhean Croise

Mumpar 39:22

Anomanta, o kpɔɔ ɛ o bala baa do ba dea la bwa nomoa, asɛ wɛɛ nyiŋi ba wobɛlbwa baa dɛ ɛa bela ta.

Mumpar 39:5

Dɛ le a ɡɛ saŋ nomoa la aa kpɔ o dem do o nɔn ta la, Korowii swee andɛɛɡa tɛ nomoa la ne o dem komɛlbwa dɛ o koo kwa.

Mumpar 41:44

Asɛ kooro la ŋɔ o be ŋɔ, “Menee kooro te, kɛ nomɛlbwa ta ŋwɛnɛ dɔe kɛ o ɛ wobɛlbwa dɛ le he habɔɔ.”

Mumpar 42:6

Dɛ Josef ɛ Ijipt harɛ la nomoa ne nɛn waa yoɡ boyu dɛɛ tɛ harɛre bwa nɛra. Anomanta, o dɔɔranar la aa bala la, ba kaa ɡuŋi o sie, dɛ kpɔ sie piiɡi harɛ.

Mumpar 45:8

He laa ba n ne bonɔ, Korowiirii ba n ne. Onee ɛɛ mɛ nomonjen n ja kooro nɛɛ dɛɛ nyiŋi o dem tena ne Ijipt harɛ bwa ta.

Ɛsta 10:3

Mɔdekae ɛ nomonjen, dɛ Kooro Sɛksɛs toole naa, dɛ onee lole. O ɛ nɛnjen o dɔŋa Juu tena la bwa bini, asɛ baa tɛo jirima dɛɛ nyin o wa, dɛkalkɛŋɔ o nyin kɛrɛdɛ tɛɛ ba, dɛ nyin deŋnesɔɔhna tɛ o naanar bwa.

Yela 105:21

O kpɔɔ chɔ harɛ la nyoa, wɛɛ nyiŋi o kwaa bwa ta,

Sɛɡla 17:2

Yom waa jemɛ waa la, dɛ nyiŋi o dɔɔ bie o wa aa wola kɛrɛdɛ doe nɛ, o dɛ dɔ kapɛrɛ kwaa aa ɛ bii la kwaa la ane.

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Wejereme 4:14

A ɡɛ bonɔɔ la, ba ken lawɔ do dea mɔɔ o ba di kora, kɛɛ ba lolɔ nyaa bini o do o harɛ ta.

Daneɛl 2:48

Kooro la ɛ Daneɛl nɛnjen, dɛ kɛo konjena taeh, dɛ kpɔ Babelɔn harɛ ta kpeɡri bwa do o nɔn ta. O ɛo Babelɔn harɛ ta wejerema bwa nomoa.

Daneɛl 6:3

Daneɛl baɡlɔ kɛ o won toma ɛɛ dɛɛ ɡwaa o bala la, ne nɛra baa lee ba baa nyiŋi harɛ la bamperi ta la, asɛ o toma su kooro la siwi. A ɡɛ nomanta, kooro la liiro kɛŋɔ ó den kpɔ harɛ la waa bwa do o nɔn ta wɛɛ nyiŋi o ta.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

We-ɛɛla 7:10

anomanta, wobɛlbwa ta on ɛɛ o wahala waa naa la bwa ta. A balɔ kɛŋɔ Josef la Ijipt harɛ kooro be, Korowii tɛo jirima ne liire, asɛ o waa too kooro la tea kohona. Anomanta, o ɛ Josef o harɛ la bwa ne o dem tena bwa nomoa.