Mumpar 41:1 - mzwDBL

¹ Bene anɛ habɔɔ la, awola bɛl, Ijipt harɛ ta kooro deero, dɛ o cheɡɛ Nael Moo nyoa o harɛ ta bela,

Mumpar 41:1 Iomraidhean Croise

Mumpar 20:3

Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Mumpar 28:12

O chɔe bini la, o deero dɛ na kɛŋɔ sanjol le nyundua ba chiɡ harɛ, asɛ nyundua toroma teeh dɛ la dɛɛ ba.

Mumpar 29:14

Asɛ Laban ŋɔ, “Kasinteŋii, n lole tentenee hen.” Asɛ Jekɔb so o be korobibir bwa.

Mumpar 31:21

O kpɔ komɛlbwa dɛ ɛ warane dɛ le kaa. O kaa ɡale Yufretis Moo la, dɛ kpɔ sie pa Gelead deŋɡarere harɛ ta dɛɛ kaa.

Mumpar 40:23

Kɛ sendoola nomoa la aa bera kaa o toma ta kooro dem la, o soh wobɛlbwa. O ta wone lii Josef waa tamaa bɛlbwa.

Mumpar 40:5

Jwaana bɛl baa chɔ dea la bini la, kooro nomonome la deero. Bɛlbwa deera waa deera la ɡe korɔ.

Mumpar 41:2

o na nae anuanɛ aa do bwara, dɛ le moo la ta dɛ baa chwe kpɔɡa o nyoa.

Ɛsta 6:1

Awola tɔpere la jwaana, kooro ta wone chɔ dom. Anomanta, o ɡelɔ ba ba tɔne o kora dii waa aa lɔ a bini la ne bá kure tɛo.

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Kaala 4:9

Kɛ dɛ ba ta hen yaradae nyokpowe-ɛɛla nɔ bwa ta, kɛɛ dɛ taŋ deŋne aa, ka ɛ nee le Nael Moo ta dɛ́ fuɡa ta harɛ. Nee la ɛɛ berɛ chalee dawɛ harɛ la sie.”

Aesaya 19:5

Nael Moo waa chɔ bela ɛɛ hweehroo, ásɛ o nenabɔɔ bini hol chɔ.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 29:9

Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii. Haa ŋɔa ŋɔ hen dɔ Nael Moo, henee ɛo la wa.

Matiu 27:19

Nomoa Paelet aa soɡe o kara ta dɛɛ bol waa la, o haah tomɛ nɛn o be ŋɔ, “Nyiŋi kɛrɛdɛ dɛ bɛ baa la wobɛlbwa ɛ. Nɛndɛɛɡe tentenee. Gɛ maa dee o waa fini nɔ la, a we n nɛɛ taeh.”

Mmarare 11:10

Harɛ haa dɛ kaa o ta la ta doe kɛŋɔ Ijipt harɛ haa le o ta la. Ijipt harɛ he yon du kwaa dɛ́ pere nee bɔra tɛa dɛ́ dɔ nee dɛɛ do a ta la.