Mumpar 4:8 - mzwDBL

⁸ Belaa Keen ŋɔ o nime Ebel be ŋɔ bá la koo. Baa lɔ bela la, Ebel ne ŋɔ o jemɛ dɛ Keen lawɔ asɛ dɛ kpoo.

Mumpar 4:8 Iomraidhean Croise

Mumpar 4:25

Adam ne o haah berɔ lolɛ bibaa. Anee o haah ŋɔ, “Korowii tɛ mɛ bie o ba chiɡ Ebel, Keen aa kpoo la naa ta.” Anomanta, o pa o sɔn Sɛt.

2 Samoɛl 14:6

N naa kooro, men maa ɛ he tolo, dɛ n dɔ bibaala banɛ. Yoi chole ba baah ta awola bɛl kpɔɡ bini, nomɛlbwa toole dɛ larawe ba, asɛ bɛl kpo o dɔŋ.

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Webena 21:4

Kooro Jehoram kora aa baa che kiŋkiŋ la, o kpoo o nimanar la ne Israel nomonome bane.

Nehemia 6:2

Sanbalat ne Gɛsem kpɔ kala tɛ mɛ ŋɔ, “Gel ya ne he cheme Ono deŋɡarere dor harɛ waa chɔa kaa bwɛjeɡre la bɛl ta.” Dɛ n vɔrɔwaa baa vɔrɔwe dɛ́ che a ta ɛɛ mɛ waane,

Job Tɔn 11:15

Anee dɛ́ ɡel he ir nyu ne, dɛ́ dɔ hwɛɡa, he che kiŋkiŋ haa wola ɔmɛ.

Yela 139:19

N Naa Korowii, n dɛ nyin kɛ he fe aa kpoo nyubinikpeɡ tena! N dɛ nyin nɛra baa dɛ kpoo nɛra fee ɡel mɛ, ásɛ n bwara sɔɔh mɛ.

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Maeka 7:6

Bibaa ne o mɛɛ ɛɛ dɔmoo, bihaah ne o nya dɔm, ásɛ bihaah ne o helahaah ɡe dɔm, ásɛ nɛn lolanar berɛ o dɔma.

Nɛra Kura 35:20

Dɛ nomɛl hah o dɔŋ dɛ taɡɔ ɡo, kɛɛ dɛ kpɔ komɛl lɔɔ o sewɛ,

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Amanesoma Luk Aa Chwera Tɔn 11:51

Dɛ le Ebel kpoe ta ka tel Sekaria baa kpoo bela baa dɛ fuh kwaa dɛɛ tɛ Korowii ne Korowii Dea la tenten baah ta la. Kasinteŋ, n dɛ ŋɔ he be, Korowii ɛɛ pɛɛ fini nɔ nɛra ba bwa waa.

Amanesoma Luk Aa Chwera Tɔn 22:48

Anee Yeesu ŋɔ o be ŋɔ, “Lwɛɛma moe nee hɛɛ ba Men Nɛn Bie la lee dɛ́ tɛ aa?”

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.