Mumpar 4:4 - mzwDBL

⁴ Asɛ Ebel ɡe nyiŋi o peera la bini dɛ lawɛ a biloɡla la dɛ kpoora, asɛ dɛ kpɔ a bodɛɛɡa bɔra la ka ɛ saraha tɛ Korowii. Korowii sie lɛ saraha Ebel aa baa ɛ tɛo la ta taeh,

Mumpar 4:4 Iomraidhean Croise

Mumpar 15:17

Wee aa joa asɛ bɔr bir la, kapɛla waa dɛ lawɛ nii ne vii bɛl soo siwi nii aa lɔ o ta wɛɛ le chuu deno ba kpɔ ola la baah.

Mumpar 4:3

A habɔɔ la, Keen kpɔ o koo kondikwa ane ba, dɛ ba ɛ saraha tɛ Korowii.

1 Koranar 18:24

Ásɛ Baal voɡ tena la soŋe ba voɡ, ásɛ n ɡe soŋe Korowii maa dɛ tomɔ. Bɛl la o kon aa do nii o kwaa ta la, onee chɛ kɛŋɔ yaa tomɔ.” Ate, nɛra la bwa sɛh, dɛ ŋɔ, “Gɛ wer.”

1 Koranar 18:38

Ate, Korowii ɡel nii ba le saraha kwaa la ta, dɛ fuh a ne daa la ne bwea dɛ harɛ la bwa, nee aa lɔ bɔɔ la bini ɡe hweeh.

1 Webena 21:26

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah ne deŋnesɔɔhna sarahare tɛo. O soŋe Korowii asɛ o ɡel nii le nyundua, dɛ ba fuh saraha kwaa la bwa.

2 Webena 7:1

Kooro Solomɔn aa soŋe Korowii tonɛ la, nii le nyundua dɛ ba fuh kwaa baa kpoora ne kwaa bwa soo siwi baa kpɔa dɛɛ ɛ sarahare la, asɛ Korowii jirima su o Dea la bini bwa.

Yela 20:3

Ó lii sarahare haa tɛo bwa, ásɛ dɛ lɛ sarahare haa fuah tɛo la.

Kaala 13:12

a chɛ kɛ hé kpɔ bibanloɡle bɛlbwa tɛo. Kondɛɛre bɛlbwa ɡe biloɡle ombal ɛ Korowii kon.

Sɛɡla 3:9

Kpɔ he kondɔɔh, ne he koo kondikonloɡla tɛ Korowii, dɛ́ kpɔ duuru.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Nɛra Kura 16:15

Belaa Mosis baah di ba nɛɛ kohona dɛ ŋɔ Korowii be ŋɔ, “N Naa Korowii, n poori, bɛ ba saraha kwaa baa kpɔ ba tɛɛ lɛ! N ta komɛlbwa waa ɛ konjeɡa kɛŋɔ keeɡo kwaraa ba be lɛɛ, a ba ɛ kɛŋɔ n ɛ ba bini bɛl wechɔɡa.”

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Nɛra Kura 18:12

Kondikonloɡla ane kɛŋɔ ɔleve noo aa wera ne senfala aa wera dɛ meloɡla baa kpɔa baa tɛ men Korowii laanee n kpɔ tɛ heya.

Nɛra Kura 18:17

Nao kɛɛ pee, kɛɛ booh biloɡle waa ɛ ombal te, he bɛ a nyuune charɛ. A te ɛ n kwa. Hé kpɔ a chale merɛ saraha kon la ta, ásɛ dɛ fuh a noorare la kɛŋɔ saraha baa dɛ fuah. A sɔɔh ɛɛ do men Korowii somee.

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Hibru 9:22

Mmara la ta la, chal nee baa fee doŋa waa ne kwaa kɛrɛdɛ ta. Dɛ chal ta fuɡaa, Korowii aa wechɔɡa kpɔe dɛɛ kɛ.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Sitɔɔla 6:21

Dɛ Korowii nyundua torome la kpoŋe daŋɡbala bɛl. O kpɔ daŋɡbala la nyoa leɡe ola la ne paanoo la, asɛ nii le bwe la ta dɛ fuh ola la ne paanoo la bwa. Asɛ Korowii nyundua torome la den nyoɡre le o sie kaa.

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.