Mumpar 39:21 - mzwDBL

²¹ Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ.

Mumpar 39:21 Iomraidhean Croise

Mumpar 21:22

A ɡɛ saŋ la, Kooro Abemɛlɛk kpɔ o laa tena nomoa Fekɔl dɛ la Abraham be dɛ ka ŋɔ, “He wobɛlbwa haa dɛ ɛ la, Korowii ja he nɛ.

Mumpar 39:2

Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem.

Mumpar 39:3

O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo.

Mumpar 39:4

Anomanta, Pɔtefa sie lɛ o nɛ asɛ dɛ kpɔɔ ɛ o bonɔɔ, dɛ ɡel wɛɛ nyiŋi o dem ne o komɛlbwa waa dɔa ta.

Mumpar 40:3

asɛ dɛ laɡ ba do dea. Nomoa waa chɔ nɛra baa dɛ daah kooro dem la, o deemii o kpɔ ba do. A ɡɛ dea la binii ba lawɛ Josef ɡe do.

Yela 105:19

ka tel kɛŋɔ waa waa bola aa ɛa. Korowii waa laanee baɡla kɛŋɔ o waa la ɛ kasinteŋ.

Yela 105:22

dɛɛ di kpeɡri o nomonjena bwa nɛ, dɛɛ baɡle o nomonome baa dɛ jao la wa.

Yela 106:46

He ɡelɔ nɛra baa dɛ fiɡ ba la bwa berɛ na ba sum.

Kaala 11:3

Korowii ɡelɔ Ijipt tena sie lɛ Israel tena la nɛ, asɛ kooro ne o nomonome ne harɛ la ta nɛra bwa kpɔ Mosis ɛ nɛnjen.

Kaala 12:36

Korowii ɡelɔ Ijipt tena sie lɛ ba nɛ, dɛ ɡel ba tɛɛ ba komɛlbwa baa soŋ ba la. Anɔ taa a che ba che Ijipt kondɔɔh bwa kaa.

Kaala 3:21

Mɛɛ ɡeloo ba siwi su heya, ásɛ dɛ he ba dɛ kaa laa, he bɛ nɔŋɡbala kpɔ kaa.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Daneɛl 1:9

Korowii ɡelɔ koodem nomoa la na Daneɛl sum dɛ chao,

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

1 Pita 3:17

He dɛ ɛ wedɛɛɡa dɛɛ na wa aa, an wera kɛ haa dɛ ɛ wechɔɡa dɛɛ na wa. Dɛ Korowii tetooraa kɛ he koh he wedɛɛɡa ɛɛ waa dɛɛ na wa aa, a wer.