Mumpar 39:14 - mzwDBL

¹⁴ o yerɛ bonɔɔna baa lɔ dem bela la dɛ ŋɔ, “Hé no waa nɔ. Hibru te nɔ n jaa aa kaa lawɛ ba dem bonɔ nɔ dɛ ɛ yaa sisawa. O baa jo n be dea ŋɔ o fee paɡ mɛ, asɛ n do lɔŋɔ kohona.

Mumpar 39:14 Iomraidhean Croise

1 Pita 2:20

Haa ɛ wechɔɡa, asɛ dɛ lawɛ bambile ba lɔɔre a waa la, bɔkwa sɔnee lɔ he bambile lawa la ta nɔ? He ɛ wedɛɛɡa, ba ɡarɛ koh a waa dɛɛ ɛɛ hɔhɔrɔwa he lawɛ bambile aa, a ɛ sɔn dɛɛ tɛɛ Korowii be.

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Matiu 26:59

Sɔfonomonome ne Juu tena nomonome baa dɛ bol waa dɛɛ pa bole la bwa nyoa pɛo baa nyin waa dɛ́ kpɔ dawɛ Yeesu nɛɛ dɛ́ won che a ta kpoo.

Matiu 5:11

Dɛ nɛra koh teŋa haa teŋɛ n nɛɛ nɔ waa dɛɛ chɛɡre heya, dɛɛ ɛ heyaa hɔhɔrɔwa, dɛɛ teŋe nyosone, dɛ bol musu waa bɛlbwa dɛɛ dawɛ he nɛ aa, he na som.

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Yela 120:3

He nɛra haa ɛ nyosonteŋna, ɛrɛɛ Korowii ɛɛ ba heyaa ɛɛ yɔ? Ɛrɛɛ wɛɛ ba he deŋnetɛra ɔ?

Yela 55:3

n dɔma aahra baa dɛ aah mɛ, ne fiiɡa baa dɛ fiɡ mɛ nomanta, ba kpɔ wenaale ba ta n nɛ, ba muɡli n baah dɛ hah mɛ.

Yela 35:11

Nɛnchɔɡa teŋe nyosone dɛɛ dawɛ n nɛ, waa maa wola a waa jemɛ laanee baa bɔɔ mɛ.

Mumpar 40:15

Kpeɡri nee ba kpɔ mɛ le Hibru tena harɛ ta, dɛ ba n ne Ijipt bonɔ. Maa lɔ bonɔ ɡe nɔ, n ta waa maa ɛa a chɛ kɛ ba do mɛ dea nae.”

Mumpar 39:17

Belaa o bol waa la o be dɛ ŋɔ, “Hibru te bonɔɔ haa ba o ne dem bonɔ la ba n be dea dɛ ba ɛɛ mɛ chɔɡa wa.

Mumpar 39:7

Aa ba dɛ la sie la, Pɔtefa haah pɛla lawɛ Josef dɛ ŋɔ o ne o chɔ.

Mumpar 14:13

A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta.

Mumpar 10:21

Sɛm waa ɛ Jafɛt dɔɔ la ɡe lolɛ bibaala. Hibru tena bwa naa Sɛm.

2 Kɔrent 6:8

Bane dɛ pena yaa, bane ɛɛ yoo yaa. Bane dɛ chɛɡre yaa, bane ɛɛ kpɛɛ yaa. Ba dɛ yerɛ yaa nyosonteŋna, kɛ kasinteŋ ɡee yaa bol.

Ɛsekeɛl 22:5

Harɛre aa bɛna ne anɔ la aa lɔ bojaŋa bwa nɛra dɛ mam ba, ba wesaɡasaɡare la wa.

Mumpar 39:13

Haah la aa naa kɛŋɔ o ɡel o yal la do o nɔn ta kaa la,

Mumpar 39:15

Maa dɛ dooɡe lɔŋɔre ɡɛ la, o chwao le a ka o yal chɔ n jwɛh.”