Mumpar 34:7 - mzwDBL

⁷ dɛ Jekɔb bii la ɡe denɔ le kpɔɡ bini ba. Baa baa no waa la la, a we ba nɛ, asɛ ba baah di kohona kɛŋɔ Sɛkem aa ɛ wedoŋa dɛ nyiŋi Israel tena nyubaah kɛŋɔ waa ɡuɡri ba nimambie o ne o chɔ la.

Mumpar 34:7 Iomraidhean Croise

Mumpar 20:9

Belaa o yerɛ Abraham dɛ bɔɔro ŋɔ, “Bɔkwa waa he ɛ yaa ken? Bɔkwa waa n den ɛɛ, asɛ he fe ɛɛ ba wechɔɡa damanta nɔ dɔŋa kpɔe ba ta n ne n nɛra nɛɛ nɔɔ? A ta chɛ kɛ he kpɔ a ɡɛ waa nɔ ɛɛ mɛ.

Mumpar 34:6

Kooro Hamɔ la Jekɔb be o ne o ka bol wa,

Mumpar 34:8

Belaa Kooro Hamɔ ŋɔ Jekɔb be ŋɔ, “N bie Sɛkem dɛ nyin he bie Daena. N poori, kpɔɔ tɛ mɛ n tɛo ó mo.

Mumpar 46:7

o bibaala ne o bihaahna ne o naanar baa ɛ bibaala ne bihaahna bwa.

2 Samoɛl 13:21

Kooro Devid aa no waa nɔ la, o baah diu kohona.

Yela 93:5

He mmarare cheɡɔ kiŋkiŋ saŋ bɛlbwa dɛɛ la. He Dea do ɡoroŋ kohona, saŋ bɛlbwa dɛɛ la.

Sɛɡla 7:7

dɛ na bonɔɔna bane baa wola wobɛlbwa jemɛ, ba bini la, dɛ bɛl te ɛ ɡɛne tenten.

Jeremia 29:23

Dɛkalkɛ ba ɛ wedoŋa tenten Israel harɛ ta, ba dɛ nyin ba bala haahna, dɛ che n sɔn ta teŋe nyosone, a ɛ waa maa wola ban a ta doe. N jemɛ a bwa dɛɛ di a danseɛ. Men Korowiirii bola.’ ”

Lewi Dea Tena 4:13

Dɛ Israel tena bwa ɛ wechɔɡa, dɛ jo waa maa do ba ŋɔ ba bɛ ɛ la bini bɛlbwa ta dɛ ba laa saahna, hale dɛ ba ta ɡɛ waa la nae yaa, dɛ ba di bolchɔɡe.

Lewi Dea Tena 4:2

ó ŋɔ Israel tena be ŋɔ, “Dɛ nomɛlbwa ɛ wechɔɡa dɛ jo waa maa do ba ŋɔ ba bɛ ɛ la bini bɛlbwa ta dɛ o laa saahnaa, waa aa chɛ kɛ o ɛ laanee nɔ.

Lewi Dea Tena 4:27

Dɛ dansaa bɛlbwa ɛ wechɔɡa, dɛ jo waa maa do ba ŋɔ ba bɛ ɛ la bini bɛlbwa ta dɛ o laa saahna aa, dɛ o di bolchɔɡe.

1 Kɔrent 10:8

Ya bɛ jwamane bɔ ɡɛ nɛra la bane fa aa ɛa asɛ Korowii kpoo ba bini kaɡboŋa fifraanɛ dɛ batoro tɔpebeŋkpoŋ la.

1 Kɔrent 6:18

Anomanta, hé laa he te dɛɛ kpɔ jwamane ta. Wechɔɡa bɛlbwa nɛn aa dɛ ɛ la, aa o bwara bini so. Kɛ nɛn waa dɛ bɔ jwamane la, o ɡbaɡba bwadabii wɛɛ do wechɔɡa ta.

Ɛfesos 5:3

Kɛ jwamane ne wedoŋa ne sibeɡra dɔe dɔŋa kwaa ta te, he bɛ a waa dɛɛ bol á ba ɛ kɛŋɔ hɛɛ ɛa, dɛkalkɛŋɔ aa were tɛ Korowii nɛra.

Mmarare 22:20

Dɛ ɡɛ waa la ɛ kpela, ba ta komɛlbwa dɔe dɛ kpɔ di danseɛ kɛŋɔ haah la aa baa jemɛ bwa naa,

Mmarare 22:21

ate bá lawɛ haah la ka so o mɛɛ dem doonyoa, ásɛ o bwɛɛ baala foɡro bwea kpo, dɛ́ le ɡɛ wechɔɡa la ne Israel harɛ ta. O ɛ sihihwa kɛŋɔ waa soɡe o mɛɛ dem dɛ bɔ jwamane la.

Mmarare 23:17

Israel baa kɛɛ haah bɛlbwa bɛ ɡel voɡ kpɔɔ ó do o toma ta dɛɛ bɔ jwamane.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

1 Timoti 5:13

Luhaahna nɔ dɔŋa, baa wedɛɛɡa bɛlbwa dɔe dɛɛ ɛ ka ja kɛŋɔ baa dɛ ɡaaɡe dɛɛ valɛ deremi ta pɛɛpɛɛ. A ɡbo laa. Ba kpɔ nyoa dɛɛ do nɛra waa ta, dɛɛ ŋwalɛ nɛra, asɛ dɛɛ bol waa aa wola chɛɛ kɛŋɔ ba bol bwa.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Jems 3:10

Nyoa beŋkpoŋ la taa wobodɛɛɡa ne taahna bwa ɛɛ le. Yabala, a ta chɛ kɛŋɔ aa ba ɡɛ!

Josua 7:15

Naate maa lawɔ ŋɔ kwaa maa ŋɔa ba le cheɡ mɛ la lɔ o be la chɛ kɛŋɔ, bá fuh o ne komɛlbwa waa dɔa. O chɔɡ n fɔo n ne baa fɔwa la, dɛ ɛ sihihwa Israel harɛ ta.”

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Sitɔɔla 20:6

N kpɔ o lale la dɛ ba mɔne o bini bɔne tɛ Israel deene fi dɛ anɛ la bɛlbwa, ásɛ a chaɡle wedoŋa ne waa baa kia ba ɛa Israel harɛ ta la.