Mumpar 33:11 - mzwDBL

¹¹ N poori, sɛh dɛ́ lɛ kwaa maa kpɔa dɛɛ tɛɛ nɔ. Korowii cha mɛ kohona dɛ sune n nɛɛ asɛ dɛ tɛ mɛ komɛlbwa.” Ba bolɔ la sie kɛrɛdɛ mɔɔ Esɔ ta ba lɛ.

Mumpar 33:11 Iomraidhean Croise

Mumpar 30:43

A cheɡɛ a ta Jekɔb ba ɛ kondɔɔh dɛ dɔ kondɛɛra ne nɛndɔɔla ne nyoɡmare dɛ keeɡore kohona.

Mumpar 32:21

Ba kpɔ koŋkɛɛla la tɔ sie dɛ kaa asɛ o te berɛ chɔ bela waa choɡa la.

Mumpar 33:10

Anee Jekɔb ɡe ŋɔ, “Akai, n dɛ soŋe dɛ he sie lɛ n nɛɛ tenaa he kpɔ. Taraken maa nae nɔ, a denɔ ɛɛ mɛ kɛŋɔ maa na Korowii ken.

Mumpar 33:12

Asɛ Esɔ ŋɔ, “Ya kaa. Kɛ mɛɛ tɔ he siee.”

Mumpar 33:9

Belaa Esɔ ŋɔ, “N nime dɛɛɡe, anɔ la n ɡbabir aa dɔa warɔ. Gel a che tɛɛ.”

2 Koranar 2:17

Ba soŋo a ba peo, asɛ o ŋɔ, “Hé tom ba.” Asɛ ba tomɛ baala fifraanue la ba ka ɡaaɡe Elaeja bɔr tɔpera atoro ba ta on nae.

2 Koranar 5:23

Ate, Naaman ŋɔ, “Lɛ suuɡapoŋa a tɔɡre aa ɛ kilore fifraanumɛl dɛ anuatoro,” dɛ kpɔ do pure anɛ bini ja yadɛɛɡa bele anɛ ta dɛ tɛ Gehasi o lɛ. Dɛ ɡel o bonɔɔna banɛ kpɔ che tɔ Gehasi sie.

Amanesoma Luk Aa Chwera Tɔn 14:23

Anee o berɛ ŋɔ bonɔɔ la be ŋɔ, ‘La ŋwɛnɛre ta ne dahare, nomɛlbwa haa nao la, lawɔ ba ásɛ n dem bonɔ su.

1 Kɔrent 3:21

Anomanta, he bɛ bane kpɔ dɛɛ ta nyoa. Komɛlbwa chɔ le dɛ tɛ heya.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Josua 15:19

Anee o chaŋe ŋɔ, “Nyiŋi n nɛ. He tɛ mɛ harɛ pua hɛŋle ɡbo harɛ Nɛɡɛv. Tɛ mɛ bela nee aa bula dɛɛ le ɡe.” Asɛ o ka tɛo harɛ nee aa bula dɛɛ le o ta. Bɛl do nyunduabɔr, bɛl do harɛbɔr pera.

Sitɔɔla 1:15

Anee o chaŋe ŋɔ, “Nyiŋi n nɛ. He tɛ mɛ harɛ pua hɛŋle ɡbo harɛ Nɛɡɛv. Tɛ mɛ bela nee aa bula dɛɛ le ɡe.” Asɛ o ka tɛo harɛ nee aa bula dɛɛ le o ta. Bɛl do nyunduabɔr, bɛl do harɛbɔr pera.

1 Samoɛl 25:27

Koŋkɛɛla he tolo aa ba a ne nɔ, n dɛ soŋe kɛ he lɛa dɛ́ kpɔ tɛ he bonɔɔna baa dɛ teŋɛ he nɛɛ la.

1 Samoɛl 30:26

Devid aa tel Siklaɡ la, o kpɔ laala la ane ka tɛ Juda nomonome baa ɛ o daamanar la dɛ ŋɔ, “Kwaa maa paa laa ta dɛ le Korowii dɔma be, dɛ kpɔ a bini ane dɛɛ ba ba tɛ heyaa laanee la.”