Mumpar 32:9 - mzwDBL

⁹ Belaa o soŋe Korowii ŋɔ, “Korowii n nabaa Abraham ne n mɛɛ Aesek aa tomɛ, hen ŋɔ n be ŋɔ ń berɛ kaa n bwɛ n lolanar bini, dɛ ŋɔ hɛɛ ɡeloo n wobɛlbwa do wer.

Mumpar 32:9 Iomraidhean Croise

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

Mumpar 31:13

Menee Korowii maa kpɔ n te baɡle Bɛtel asɛ he kpɔ bwe bɛl pa bela, dɛ fuɡe noo ta o ta, dɛ kpɔ dɛɛ lii mɛ, dɛ baɡ mɛ nyoa la. Ir dɛ́ kpɔ he te dɛ́ berɛ kaa harɛ baa lolɛ o ta la ta.’ ”

Mumpar 31:29

N fe dɔ ŋwɛnɛ kɛŋɔ ń won ɛɛ wechɔɡa, kɛ dɛ jwaana ne la, Korowii he mɛɛ aa tomɔ la kah mɛ ŋɔ n bɛ hen aah ŋwɛnɛ bɛlbwa ta.

Mumpar 31:3

Belaa Korowii ŋɔ Jekɔb be ŋɔ, “Berɛ kaa he lolanar bini, he naawa harɛ la ta. Mɛɛ teŋɛ he nɛɛ.”

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

Mumpar 32:8

O liiro kɛŋɔ dɛ Esɔ ba dɛ yo baŋ bɛl nɛra aa, ba kar la ɛɛ won dɔ bɔr dɛ́ chwa kaa.

Mumpar 49:25

Korowii he mɛɛ aa tomɔ laanee dɛ́ chae. Korowii Waa Ɛ Kpeɡri Bwa Dɔɔ sweere andɛɛɡa dɛ́ pili nyundua bwaala nɛ tɛɛ, dɛ́ tɛɛ nee aa le harɛ bini. Onee dɛ́ tɛɛ kondɛɛra ne naanar kohona.

2 Webena 20:12

Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

2 Webena 20:6

dɛ ŋɔ, “N Naa Korowii ya naawa aa tomɛ, henee dɛɛ di kora nyundua ne harɛre nɛra bwa nɛ. Henee dɔ bokpeɡa ne kpeɡri kohona, nomɛlbwa toole dɛ́ won che he sie.

2 Webena 32:20

Ate, Kooro Hɛsɛkea ne Emɔɔs bibaa Korowii keame Aesaya wi no Korowii ŋɔ ó cha ba.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Jeremia 32:16

Maa kpɔ danseɛ tɔn la tɛ Baruk habɔɔ la, n soŋe Korowii ŋɔ,

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.