Mumpar 32:6 - mzwDBL

⁶ Toroma la aa bera ba la, ba baa bol o be ŋɔ, “Ya kaa bol he dɔɔ Esɔ be. Baala lafraanaarɛ ja o nɛ do ŋwɛnɛ ta taraken dɛɛ ba dɛ́ ba cheme.”

Mumpar 32:6 Iomraidhean Croise

Mumpar 31:18

dɛ kpɔ o kondɛɛra waa dɔa Mɛsopoteemea harɛ ta bwa, ne komɛlbwa waa dɔa ɡe ja dɛɛ kaa o mɛɛ Aesek be Keenan harɛ ta.

Mumpar 32:11

N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.

Mumpar 32:7

Jekɔb aa no ɡɛ la, o ɔmɔ kohona o bwara yɔr, asɛ dɛ bɔne o nɛra la ne peera ne nae, dɛ nyoɡmare la bini bɔre anɛ.

Mumpar 32:8

O liiro kɛŋɔ dɛ Esɔ ba dɛ yo baŋ bɛl nɛra aa, ba kar la ɛɛ won dɔ bɔr dɛ́ chwa kaa.

Mumpar 33:1

Jekɔb aa dɛ kaa la, o ha sie dɛ na kɛŋɔ Esɔ ne o bonɔɔna lafraanaarɛ aa dɛ ba, asɛ Jekɔb bɔne o bii la bini tɛ o haahna Lea ne Rakɛl dɛ ba toli banɛ la.

Mumpar 33:15

Anee Esɔ ŋɔ, “Amɔ mɛɛ ɡel n bonɔɔna nɔ bini banee tɛɛ he ne baa ba.” Asɛ Jekɔb ŋɔ, “Bonɔɔna la ɡela dɛ tɛ mɛ te waa ta hiaeh. Nyinaa mɛɛ nyin kɛŋɔ he sie lɛ n nɛ.”

Mumpar 33:8

Esɔ bɔɔro ŋɔ, “Nɛra maa chem ba ba kpɔ kondɛɛra damanta dɛɛ kaa la ɡe sɛ?” Anee Jekɔb chaŋe ŋɔ, “N kpɔa dɛɛ ba ba tɛɛ ásɛ he sie lɛ n nɛ.”

Mumpar 34:11

Asɛ Sɛkem ŋɔ Daena mɛɛ ne o dɔɔranar be ŋɔ, “Hɛ́ɛ sɛoh dɛ́ ɛ ɡɛ tɛ mɛ naa, komɛlbwa haa lɛ la, mɛɛ tɛ heyaa.

Mumpar 47:25

Asɛ ba chaŋe ŋɔ, “Nomoa, he lɛ ya nyu dɛ nyiŋi yaa kɛrɛdɛ. Yaa ɛ kooro bonɔɔnaa.”

Emɔs 5:19

Aa ɛo kɛŋɔ nɛn aa dɛ chwa nyujente dɛ ka cheme sisire ken. Aa doo kɛŋɔ nɛn aa jo o dea dɛ kpɔ nɔn dawɛ danjwɛɛ ta, asɛ harɛkon domɔ.

Rut Tɔn 2:13

Anee Rut ŋɔ, “N dɔɔ, a lole kɛŋɔ n ta he tom-ɛɛra la bɛl ɛɛ te, kɛ he nyin n waa kohona, dɛ larawe n bwara ɡe.”

Rut Tɔn 2:2

Awola bɛl, Rut ŋɔ Naomi be ŋɔ, “N poori, tɛ́ mɛ ŋwɛnɛ ń la nomɛlbwa waa na n sum koo ta dɛ́ ka kuuh mea.” Anee o sɛh dɛ ŋɔ, “N bie, kaa.”

1 Samoɛl 1:18

Hana chaŋe ŋɔ, “N dɔɔ, ɡel he sie lɛ he bitolo nɛ.” Asɛ o le bela kaa, dɛ ka nyin kondikwaa di, asɛ bambichɔɡ la bwa kaa.