Mumpar 32:22 - mzwDBL

²² Awola jwaana ne la, o iro dɛ kpɔ o haahna banɛ Bilha ne Silpa, dɛ o toli banɛ ne o bii fi dɛ beŋkpoŋ la dɛ kpɔ ba le Jabɔk Moo leebɔɔ.

Mumpar 32:22 Iomraidhean Croise

Mumpar 29:21

Tɔpere la aa tela la, Jekɔb ŋɔ Laban be ŋɔ, “Bene anuanɛ la telo, tɛ mɛ n haah la ásɛ n mo name.”

Mumpar 32:21

Ba kpɔ koŋkɛɛla la tɔ sie dɛ kaa asɛ o te berɛ chɔ bela waa choɡa la.

Mumpar 32:23

Waa kpɔ ba le nee la tonɛ la, o berɛ ba kpɔ komɛlbwa ɡe waa dɔa la ɡe le,

Mumpar 35:18

Dɛ Rakɛl dɛ ba sewa, anomanta, o pa bie la sɔn Bɛn Oni. Bɛn Oni munii n wenaale bie. Asɛ o mɛɛ ɡe pa o sɔn Bɛnjamen. Bɛnjamen munii n nɔndiɡ bie.

Mmarare 2:37

Ya ta Amɔn tena harɛ ta bɛnɛ, Jabɔk Moo nyoa bwɛɛre ne bwɛɛre aa lɔ deŋɡarere dor ɡe, ya ta a bɛlbwa bɛnɛ. Korowii yaa dɛ tomɔ la kah yaa a wa.”

Mmarare 3:16

Rubin ne Gad deene tena ɡe la, le Gelead harɛ ta kaa Aanɔn Fɛlembɔjen taa n kpɔ tɛɛ ba. Aanɔn Fɛlembɔjen weekaŋle harɛbɔr baah taa ɛ ba jwɛh. Jabɔk Moo ɡe ɛ ba weekaŋle nyunduabɔr jwɛh tɛ ba ne Amɔn tena.

1 Timoti 5:8

Dɛ nomɛl lole, waa o nya ne o mɛɛ kɛɛ o dem tena nyiŋi aa, naate Korowii toma ɛ pɛɛ. Naate waa wola Korowii yarada ɡba bɔɔ.

Josua 12:2

Kooro la bɛl sɔne Sihon, Amɔre tena kooroo wɛɛ di kora bwɛjen Hɛsbɔn. O harɛ nyoa le bwɛjen Arowa, o lɔ Aanɔn Fɛlembɔjen nyoa, dɛ le fɛlembɔjen la baah ta dɛ kaa Jabɔk Moo waa ɛ Amɔn tena harɛ jwɛh ta. Gelead harɛ pera ɡe ja o ta.

Sitɔɔla 11:13

Amɔn kooro chaŋe Jɛfta toroma la ŋɔ, “Israel tena aa le Ijipt harɛ ba la, ba lɛ n harɛ le Aanɔn Moo ta ka tel Jabɔk Moo ta, dɛ kpoŋe ka tel Jɔɔdan Moo ta bwa. Taraken nɔ, berɛ kpɔ tɛ mɛ jeih ken.”