Mumpar 32:11 - mzwDBL

¹¹ N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.

Mumpar 32:11 Iomraidhean Croise

Mumpar 24:27

dɛ ŋɔ, “Korowii n dɔɔ Abraham aa dɛ tomɛ, jam kɛŋɔ haa dɔ kasinteŋ dɛ teŋɛ dɛɛ nyin n dɔɔ nɔ. Asɛ dɛ kpɔ n naa andɛɛɡa ba n dɔɔ lolanar buse nɔ.”

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 27:42

Waa dɛ kpɔ ɡɛ liire nɔ la, Rebɛka noɔ asɛ dɛ tomɛ ba ka yerɛ Jekɔb ba, dɛ ŋɔ o be ŋɔ, “He dɔɔ Esɔ dɛ vɔrɔwe he vɔrɔwa kɛŋɔ wɛɛ kpoe.

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Mumpar 32:7

Jekɔb aa no ɡɛ la, o ɔmɔ kohona o bwara yɔr, asɛ dɛ bɔne o nɛra la ne peera ne nae, dɛ nyoɡmare la bini bɔre anɛ.

Mumpar 33:4

Esɔ aa nao la, o chwao dɛ ka ɡbaaro pɛl o te dɛ kpɔ o nɔɔra dawɛ o vaama ta dɛ mo o lwɛɛma, ba bwa berɛ wi.

2 Samoɛl 7:18

Belaa Kooro Devid ka jo Korowii Dea Cheremibɔr waa baŋro la bini, dɛ ka so Korowii sie dɛ ŋɔ, “Nemenɛ Korowii, umee n ɡe ne n lolanar, asɛ he ɛ ɡɛ waa nɔ dɔŋa bwa tɛ mɛ ken nɔɔ?

Yela 119:134

Lɛɛ mɛ nɛra baa dɛ fiɡ mɛ nɔn ta, ásɛ n won dɛɛ teŋɛ he Mmarare la ta.

Yela 142:6

Cheɡ deŋne no n wii, dɛkalkɛ n siwi beɡrɔ. Lɛɛ mɛ le n dɔma nɔn ta, ba kpeɡri ɡwaa n nɛ.

Yela 16:1

N Naa Korowii, kpɔ nɔn tɔ n nɛ, he nɛɛ n sie dawɛ kɛ mɛɛ dɔ n nyuu.

Yela 25:20

Kpɔ nɔn tɔ n nɛɛ dɛ́ lɛɛ mɛ, bɛ ɡel sihiih kpo mɛ, henee n chwa baa marɛ.

Yela 31:2

Cheɡ deŋne, dɛ́ no n be, dɛ́ ba lɛɛ mɛ warane. Do kɛŋɔ Bwetal, ń chwa ba marɛ, ɛ danjwɛkpeɡ dɛ́ lɛɛ mɛ.

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Sɛɡla 18:19

A kpeɡri kɛŋɔ he won kwaa he ne he dam haa ɛo wechɔɡa baah, ɡwaa kɛŋɔ haa paɡre danjwɛkpeɡ baa maa bar bwɛjen. Naɡra do kɛŋɔ bune baa kpɔa kaɡre bwɛjen doonyoa la.

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

Hosia 10:14

he nɛra ɛɛ no laa ɡbɔɡaa, ásɛ he dekpeɡa bwa chɔɡ. Aa doo kɛŋɔ Kooro Salman aa kpɔ laa ba chɔɡ bwɛjen Bɛt Aabɛl, dɛ kpoo haahna ne ba bii bil la.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Mmarare 22:6

Dɛ he na jumbie ŋwɛnɛ nyoa daa doa, kɛɛ ŋwɛnɛ nyoa harɛ o pi o bii nɛɛ kɛɛ o hala ta naa, bɛ on lawɛ dɛ́ ɡel o bii la kɛɛ o hala la.

1 Samoɛl 12:10

Ba wio yerɛ Korowii ŋɔ, ‘Korowii, ya ɛɛ wechɔɡa dɛ vɛh he toma dɛ kaa tomɛ voɡa Baalre aa ɛ baala ne voɡhaahna Astɔrɛt. Name te lɛ yaa le ya dɔma nɔn ta ásɛ yaa tomɛ.’

1 Samoɛl 24:15

Korowiirii dɛ́ bol n ne he baah waa dɛ́ na naate waa di bolchɔɡe. Onee dɛ́ nyiŋi waa nɔ ta ásɛ dɛ cha mɛ, dɛ́ lɛɛ mɛ le he nɔn ta.”