Mumpar 30:1 - mzwDBL

¹ Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”

Mumpar 30:1 Iomraidhean Croise

Mumpar 29:31

Belaa Korowii aa naa kɛŋɔ o dɛ nyin Rakɛl waa dɛ ɡwaa Lea la, o tɛ Lea lol asɛ Rakɛl te ɛ hambara.

Mumpar 37:11

Ate, o dɔɔranar la bwaawee ir o nɛɛ kɛrɛdɛ, kɛ o mɛɛ te kpɔ waa la do o nyu bini.

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

Job Tɔn 13:19

Nomɛl lole n ne o won cheme n waa nɔ ta naa? Nɛn lole ɡɛ naa, n fe ɛɛ heloo dɛ́ sewɛ.

Job Tɔn 3:11

Ɛrɛɛ maa wola n nya tea bini sewɛ buɡ ta waa lol mɛ laɔ?

Job Tɔn 5:2

Bandia dɛ kpo ɡɛne, sibeɡra ɡe ɛɛ kpo nɛn waa wola wobɛlbwa jemɛ.

Yela 106:16

Ba sie beɡre Mosis ne he bonɔɔ Arɔn haa lee ba cheɡ, ba do ɡoroŋ tɛɛ la nɛɛ pua hɛŋle ɡbo harɛ ta bela.

Sɛɡla 14:30

Deŋnesɔɔhna dɛ tɛ bokpeɡa, kɛ bɔweela te, ɛ weela.

Sɛɡla 30:16

Anee nɔ, lalabwɛ ne hambara, ne harɛ waa wola vaɡɛ dɛɛ nyin ne, dɛ nii aa dɛ lawɛ baa wola won dima.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Nɛra Kura 11:15

Dɛ kenii hɛɛ ba men ɛɛ te naa, den kpo mɛ taraken. Dɛ n we-ɛɛla su he siwi te naa, bɛ ɡel n do le ásɛ a ɡɛ waa nɔ ba di mɛ.”

Nɛra Kura 11:29

Anee Mosis ŋɔ, “He meerɔ dɛɛ tɛ mɛ kɛɛ? N te fe dɛ nyin kɛŋɔ Korowii ɡel o Doma ba so o nɛra bwa nɛ, ásɛ ba won dɛɛ bol o waa o kpeɡri ne.”

Amanesoma Jɔn Aa Chwera Tɔn 4:3

Yeesu aa no ɡɛ baa dɛ bol o waa la, o le Juda harɛ dɛ kaa Galilia harɛ ta.

Amanesoma Jɔn Aa Chwera Tɔn 4:8

Dɛ Yeesu habɔteŋra la kaa bwɛɛ la ta dɛ́ ka nyin kondikwaa ba.

1 Kɔrent 3:3

dɛkalkɛŋɔ he ta dɛ teŋɛ nɛwɛnyini mar waa ta. Bɔweela ne naɡra aa lɔ he baah ta nɔ, nɛwɛnyini mar nɛɛ laa hɛɛ teŋɛ nɔ naa? Haa jemɛ kɛŋɔ dɛ he dɔ ɡɛ da nɔ naa, he ja nɛra baa dɔ harɛ nɔ ta liire nɛɛ kɛɛ?

2 Kɔrent 7:10

Nɛwɛnyini tea bini chɔɡɔ ɡɛ Korowii aa dɛ nyin kɛ wɛɛ ɛ aa, a ɡelɔ wɛɛ charɛ o liire. A ɡɛ waa nɔɔ dɛɛ ba Korowii mkpa ne. Anomanta, a ta chɛ kɛ ya ɡel ya tea bini chɔɡ a ta. Kɛ harɛ bonɔ tebinichɔɡ te, seo nee aa ba.

Galaasia 5:21

ne bɔweela, ne dɛɛra dɛ́ dɛɛ do ɡbɔɡa kohona, dɛ wesale aa do ken nɔ. N fa ŋɔ he be wubwa ŋɔ hé nyiŋi kɛrɛdɛ, dɛ ŋɔ nɛra baa dɛ ɛ ɡɛ waa nɔ la, baa Korowii Kora la ta jae ba. N berɔ kwaa dɛɛ lii heyaa ja.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Jems 4:5

Kɛ he dɛ lii kɛŋɔ pɛɛpɛɛ Korowii Tɔn la ŋɔ lileo Korowii aa kpɔa do ya bini la dɛ mee la?

1 Samoɛl 1:10

Dɛ o bambile chɔɡɔ kɛrɛdɛ, o wi dɛɛ soŋe Korowii.