Mumpar 3:24 - mzwDBL

²⁴ Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.

Mumpar 3:24 Iomraidhean Croise

Mumpar 3:23

Anomanta, Korowii doŋu le Eden bodɛɛɡe bela waa du daa la, dɛ ɡel o kaa parɛ harɛ waa mao le o ta la ta.

Mumpar 4:1

Adam la o haah Hawa be, asɛ o kpoŋe tea dɛ lolɛ bie, asɛ haah la lii o nyu bini ŋɔ, “Korowii alaworomɛ, n dɔ bibaa, dɛ pa o sɔn Keen.”

Mumpar 4:14

Na, he doŋ mɛ le he sie ne para ta. Taraken nɔ, maa soŋnibɔree dɔ harɛ nɔ ta bobɛlbwa kpa. Gaaɡa ɡboo mɛɛ ba mɛɛ ɡaaɡe, ásɛ nomɛlbwa waa na mɛ la, ó kpo mɛ.”

Yela 104:4

He ɡelɔ he nyundua toroma do kɛŋɔ peu ne ninlao.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

Kaala 25:2

“Ŋɔ Israel tena la be bɛ́lbwa ɛ saraha tɛ mɛ. Henee chɛ kɛ he lɛ saraha kwaa la ɡɛ bɛlbwa bambile aa lawa kɛ ó kpɔ tɛ mɛ.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 31:11

Anomanta, n kpɔɔ do harɛre nɛra baa ɛ hɔɔhra la kooro nɔn ta, ásɛ o ɛo ɡɛ aa chɛa o nyubinikpeɡ la wa. N vɛoh.

Nɛra Kura 22:23

Keeɡo la na Korowii nyundua torome la kɛŋɔ waa pamɛ kere dɛ che ŋwɛnɛ la ta, asɛ o bɛɡɛ jo kpɔɡ bini. Asɛ Balam lɔɔ dɛ ɡel o ba chiɡ ŋwɛnɛ ta.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Hibru 1:7

O bol nyundua toroma la ɡe waa ŋɔ, “O ɡelɔ o nyundua toroma do kɛŋɔ peu ne ninlao.”

Josua 5:13

Awola bɛl, Josua ne Israel tena dɛ bɛne bwɛjen Jeriko, asɛ o na baa bɛl o kpoŋe kere dɛ che o sie. Josua la o be dɛ ka pɛɛro ŋɔ, “Ya bini bɛlee hen kɛɛ ya dɔmee hen ɔ?”

1 Samoɛl 4:4

Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.