Mumpar 3:17 - mzwDBL

¹⁷ Dɛ ŋɔ baa la be ŋɔ, “Haa no he haah nyoa dɛ di daa nɔn maa ŋɔa he bɛ di nomanta, N taah harɛ nɔ waa haa ɛa la wa, tomkpeɡaa hɛɛ ba ɛɛ dɛ́ kwee bɔwɔb mɔɔ dɛ́ di kwa he soɡa bini bwa.

Mumpar 3:17 Iomraidhean Croise

Mumpar 3:11

Anee Korowii pɛɛro ŋɔ, “Umee ŋɔ he be ŋɔ he cheɡɛ mumɡbal ɔ? He di daa la maa kaeh ŋɔ he bɛ o nɔn di la kɛɛ?”

Mumpar 3:18

Sɔɔhne ne jabalnadaŋɛree dɛɛ ba harɛ la ta lee tɛɛ. Ásɛ hɛɛ di kpɔɡ bini kondikwa.

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Mumpar 5:29

dɛ pa o sɔn Nowa dɛ ŋɔ, “Bie nɔɔ dɛ́ ba tɛ yaa bosɔɔhna, dɛ́ lɛ yaa le Korowii taahna waa taah harɛ nɔ dɛ ɡel yaa koh ya tomare ta la ta.”

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Job Tɔn 14:1

Job berɔ ŋɔ, “Ba lolɛ nɛn aa, o tɔpera aa kanɛ, a lɔ tamaa ken, wenaale ɡe ɡboo a bwa.

Job Tɔn 21:17

Korowii ɡelɔ nyubinikpeɡ tena piɡri dɛɛ sewaa? Wekpeɡa toolo dɛɛ ba ba nɛ aa? Korowii baah diu o tɛr nɛnchɔɡe deŋne bwa naa?

Yela 127:2

A ɛ wepuu kɛ nɛwɛnyini le chɔɔ ɛ toma ka tel jɔmɔra, kondikwaa waa di ɡbo wa, dɛkalkɛ nɛra Korowii aa dɛ nyin ba la, ba chɔ dom kwara naa, o dɛ tɛɛ ba ba konnyina.

Wejereme 2:11

Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

Wejereme 2:17

A ɡelɔ n ta silɛɛ bɛlbwa n soɡa bini dɔe kpa, dɛkalkɛ wenaale ɡboo a kpɔ ba ta n nɛ. A bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 5:17

O soɡa bini bwa do kɛŋɔ nɛn waa soɡe biro ta ken, o liire chɔɡ, dɛɛ na wenaale kohona o baah di.

Matiu 22:12

Anee o bɔɔ baa la ŋɔ, ‘N dam, ŋwɛnɛ besoo taa a che he ba bonɔ, haa wola laala aa chɛ kɛ hé do dɛ́ ba hanfale dem bonɔ nɔ ane doe nɔɔ?’ Waa bɔɔro ɡɛ la, o ta waane dɔe dɛ bol.

Matiu 25:45

Ásɛ n ŋɔ ba be ŋɔ, ‘Kasinteŋ, ɡɛ haa wola n nimanar baa ɛ nɛŋɡwɛɡra waa nɔ dɔŋa puu ba he ta bɛlbwa chae la, menee haa wola chae la.’

Amanesoma Luk Aa Chwera Tɔn 19:22

Anee nomoa la ŋɔ o be ŋɔ, ‘Bonɔnchɔɡe kohona! He ɡbaɡba nyoa wobol taa mɛɛ ba cheɡa dɛ́ pae bolchɔɡe. He jemɔ kɛ n ɛ bambikpeɡ te, dɛɛ kpɔ kwaa aa wola n kwaa ɛɛ, dɛɛ komɛ kwaa maa wola due kenɛ?

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Hibru 6:8

Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.