Mumpar 3:16 - mzwDBL

¹⁶ Korowii ŋɔ haah la be ŋɔ, “Weweele binii hɛɛ ba tea kpoŋa, dɛ́ lolɛ bonyɛɡa bini. He sie ɛɛ beɡre he jaa nɛɛ, ásɛ o di kpeɡri he nɛ.”

Mumpar 3:16 Iomraidhean Croise

Mumpar 4:7

Wedɛɛɡaa he ɛa, he sie ɛɛ lɛo. Kɛ haa ɛ anɔ la aa wola were la nomanta, wechɔɡa dɛ yoi. Kɛ a chɛ kɛŋɔ hé won le a ta.”

1 Webena 4:9

Dɛ Jabɛs lolanar bini la, dɛ onee dɔ duure kohona. O nya pa o sɔn Jabɛs dɛ ŋɔ, “N bwara nyɛɡ mɛ o lola bini.”

Ɛsta 1:20

Dɛ ba ɡelɔ mmarafale nɔ kaa he kora harɛre aa do kan kohona nɔ bwa ta naa, anee dɛ́ ɡel haah te bɛlbwa ɛɛ duu o jaa, hale dɛ́ le nomonjena nɛ dɛ́ kaa dansaara nɛ.”

Yela 48:6

Bochela laɡ ba bela, kɛŋɔ loltea aa lɔ haah ken,

Aesaya 13:8

Ɔmee ɛɛ chole ba nɛɛ, ba bwara wee ba chweeh, baa beɡre ba te kɛŋɔ loltea aa lɔ haah. Ba nyoa ɛɛ kpoo kohonaa, ásɛ sihiih kpo ba, baa nyiŋi dɔŋa.

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 49:24

Damaskɔs tena ɡwɛɡrɔ, ba kpɔ ɔmee chwa kaa, asɛ bochela ne weweele su ba bwa, kɛŋɔ haah loltea aa lɔɔ la ken.

Jeremia 6:24

Jerusalam tena ŋɔ, “Ya no ba wa, asɛ ya bwara yɔr, weweele ne bambiteŋa ɡel ya do kɛŋɔ loltea aa lɔ haah ken.

Nɛra Kura 30:13

O jaaree dɔ kpeɡri kɛŋɔ ó sɛh kɛɛ dɛ vɛh nyobaɡa kɛɛ ntam haah la aa ŋwɛɛra la.

Amanesoma Jɔn Aa Chwera Tɔn 16:21

Dɛ lol tea lɔ haah naa, o tea bini dɛ chɔɡ, dɛkalkɛŋɔ o bonyɛɡa saŋ telo. O baa lolɛ tonaa, o dɛ soh o bonyɛɡa la, ásɛ o sie berɛ lɛ kɛŋɔ waa lolɛ bie ba harɛ nɔ ta.

1 Kɔrent 11:3

N dɛ nyin kɛ he jemɛ kɛŋɔ Yeesu Kristoo baa bɛlbwa nomoa, asɛ baa ɛ haah nomoa, Korowii ɡe ɛ Yeesu Kristo nomoa.

1 Kɔrent 14:34

He dɛ ɛ asɔre aa, hé ɡel haahna hel. A ta maɡrɛ kɛŋɔ baa bol waa bela. Gɛ Korowii Tɔn aa baɡla la, hé ŋɔ ba be ŋɔ báa no he baala la be.

1 Kɔrent 7:4

Haah ta o bwadabii kpeɡri dɔe chɔe bɔr, o jaaree dɔ kpeɡri. Gɛɛ baa ɡe aa wola o bwadabii kpeɡri dɔe, o haahnee dɔ kpeɡri.

Kolosi 3:18

Haahna, hɛ́ɛ no he jaranar wa, dɛkalkɛŋɔ ɡɛɛ a chɛ kɛŋɔ nɛra ba ne ya Dɔɔ Yeesu aa pɛa ɛɛ ɛ.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

1 Timoti 2:13

dɛkalkɛ Adamee Korowii tɔ sie ta mɔɔ dɛ ta o haah Hawa.

1 Timoti 2:15

Kɛ dɛ haahna kpoŋe Korowii yarada bini kiŋkiŋ, dɛɛ nyin nɛn, dɛ laa ba te dɛɛ kpɔ wedoŋa ta, baa wesale ɛ aa, Korowii ɛɛ ɡeloo ba dɔ ba nyu ba lola ta.

Taetos 2:5

dɛ́ dɔ nfɛrɛ kɛrɛdɛ, wedoŋa bɛlbwa aa wola toole ba nɛ, dɛ́ won ba dem tomare ɛɛ, dɛɛ ɛ nɛra wedɛɛɡa, dɛɛ no ba jaranar wa, ásɛ nomɛlbwa bɛ Korowii waa la wechɔɡe dɔ bol.